Ambauflanke
de la komerca strato Xidan, Pekino, staras multaj butikoj, inter
kiuj trovighas lombardejo kun okulfrapa shildo. Iun matenon s-ino
Yu hastis al la lombardejo kaj demandis: "Kiom da juanoj kostas
mia ringo? Mi urghe bezonas monon por enhospitaligho de mia patrino."
Lombardisto diris, ke ofte venas tiaj homoj, kiuj urghe bezonas
monon.
Lombardejo
aperis en Chinio antau 1500 jaroj. En la longa financa historio
ghi havis lokon malpli gravan nur ol banko. En la 50-aj jaroj de
la 20-a jarcento ghi malaperis kaj en la 80-aj jaroj ghi reaperis
kaj atingis sian kulminon de disvolvigho en la 90-aj jaroj. Tiam
en Chinio funkciis 3013 lombardejoj. Kun pliigho de la lombardejoj,
iuj el ili malobservis regulojn kaj post ordigo nun funkcias nur
1300.
Lombardejoj
preferas valorajn objektojn
Kion
preferas la lombardejoj en Pekino?
Iam
ili preferis vestojn kaj televidilojn, kiuj tamen estas neglektataj
hodiau. S-ro Duan Ming, direktoro de Jinbao-lombardejo, Pekino,
diris, ke ghenerale vestoj estas sezonaj kaj facile eksmodighas
kaj iuj klientoj ne plu volas repreni ilin post ricevo de alpruntita
mono, kaj la lombardejo devigite vendas ilin, kiel malnovajn vestojn.
La prezo de koloraj televidiloj ofte mallevighas, kaj en la dauro
de malpli ol 2 monatoj ghi povus fali de 4 mil juanoj al 2 mil juanoj
kaj pro tio iuj klientoj ne reprenas la deponajhojn.
Nun
iuj richaj homoj deponas multekostajn objektojn, kiaj valoraj juveloj,
automobiloj, valorpaperoj kaj akcioj, kontrau kontanta mono por
urgha uzado. Oni preferas lombardejon al banko, char lombardo estas
facila. Tie mi renkontis s-ron Ma. Li diris al mi, ke en la pasinta
monato li urghe bezonis 300 mil juanojn. Oni informis al li, ke
lombardejo povas helpi por solvi la malfacilon. Li veturigis chi
tien sian automobilon BWM kaj lombardis ghin. Post nelonge li sukcese
faris kontrakton kun iu kaj multe profitis de tio. Nun li venis
al la lombardejo por repreni sian garantiajhon.
Oni
nun lombardas la objektojn pli kaj pli valorajn kun stabila prezo,
kio montras levighon de la nivelo de la popola vivo.
Oni
diris, ke kun disvolvigho de lombardado, en la estonteco oni povos
lombardi ankau fabrikajn markojn, proprieton de intelekto k.s.
Lombardo
en la okuloj de shanhajanoj
Lombardejo
farighis nova kanalo por kolekti monon en Shanhajo. La lombardejo
Tianyuan sur la strato Weihai, Shanhajo, informis, ke de lombardo
oni chiujare povas kolekti 65 milionojn da juanoj.
La
mastroj de la 12 lombardejoj de Shanhajo havas saman opinion, ke
hodiau la mastroj de diversaj entreprenoj, komercistoj kaj sukcesintaj
investantoj preferas lombardi siajn valorajn objektojn, kiaj novaj
famaj brakhorloghoj, valoregaj lanaj vestoj, dom-atestoj, porteblaj
komputiloj, modaj poshtelefonoj kaj luksaj automobiloj.
Oni
preferas lombardejon al financa establo, char tie oni deponas facile
kaj pagas interezon malpli grandan. Lau difino lombardistoj povas
vendi la garantiajhojn 10 tagojn post la limdato de la deponado.
La lombardejo Tianyuan konigis, ke nun pli ol 90% de la deponantoj
reprenas siajn garantiajhojn kaj ili faras lombardon chefe por kolekti
la bezonatajn monsumojn.
La
dua banko por la civitanoj
Lau
la tradicia koncepto oni lombardis ghenerale pro malfacileco de
la vivo, sed nun kun ekonomia disvolvigho lombardo farighis bona
rimedo por solvi la malfacilon de urgha bezono de kapitalo, grandsuma
konsumado kaj investado. Ja ne estas hazarde, ke richaj homoj vizitas
lombardejon. Oni konigis, ke nun faras lombardon kaj individuoj
kaj mezgrandaj kaj malgrandaj entreprenoj.
Enketo
montris, ke preskau duono de la demanditoj preferas lombardejon,
kiam ili urghe bezonas monon. Kiel efika helpanto de banko, lombardejoj
ludas pozitivan rolon en faciligo de la popola vivo.
|