Wuhan, chefurbo de Hubei-provinco, situas en la meza parto de Yangzi-rivero kaj tiu de la Pekin-Kantona Fervojo. Ghi estas trafika nodo de Chinio. Dank' al sia favoraj geografiaj kondichoj kaj bona natura medio, la distrikto Dongxihu, en la nordokcidenta antauurbo de Wuhan, en la jaroj de reformado kaj pordmalfermo iom post iom shanghighis en altteknologian disvolvan zonon. Tie multe investis Taiwan-aj entreprenistoj kaj la entreprenoj disvolvighis rapide. La tieaj famaj produktajhoj havas grandan debiton ne nur en Wuhan kaj Hubei, sed ankau en aliaj lokoj en kaj ekster Chinio.

     En 1993 la Grupo Tongyi de Taiwan fondis tie la Wuhan-an Limigitan Nutrajh-kompanion Tongyi, kies chefa tasko estas produkti kaj vendi sodakvon, aliajn trinkajhojn, tuj vermichelojn kaj aliajn varojn. Post kelkjara penado la kompanio ghuas renomon en la rondo de chinaj nutrajh-kompanioj. En 2000 ghia totala vendovaloro estis 556 milionoj da juanoj. Respondeculo de la Grupo Tongyi de Taiwan diris: "Nia grupo investis por fondi 31 fabrikojn sur la cheftero de Chinio. La medio de la distrikto Dongxihu de Wuhan kaj la urbo Kunshan de Jiangsu-provinco estas la plej bona, dum la unua estas bone profitodona."

    Dank' al la sukceso de la nomita kompanio, pluraj Taiwan-aj entreprenistoj, kiuj volas investi tie, konsultis ghin. Rekomendite de ghia ghenerala direktoro Wu Fuzhang, Yuandong-grupo, unu el la 5 grandaj popolaj kompanioj (grupoj), decidis investi 29.95 milionojn da usonaj dolaroj en la disvolva zono de Dongxihu por fondi tie la cementan limigitan kompanion Yadong.
Antau sia finkonstruigho, la cementa kompanio rekomendis navigan kompanion de Taiwan kiel investanton por la disvolva zono. Nun pluraj Taiwan-aj entreprenistoj pliigis sian investon kaj enkondukas tiean aliajn Taiwan-anojn, kio pruvis, ke la disvolva zono larghe malfermis sian pordon. Nun en la tuta zono estis enkondukitaj 308 entreprenoj kun investo de 9.2 miliardoj da juanoj kaj la averagha jara kresko superis 45%.

    Antau nelonge s-ro Wu Fuzhang akceptis nin. Li estis kontenta pri la investa medio de la zono. Li diris, ke lia kompanio deziras ke la vendovaloro en 2001 atingu 600 milionojn da juanoj kaj la jara enspezo en 2005 -- 1.2 miliardojn da juanoj.

.