En norda Shaanxi-provinco, Chinio, estas kamparana entreprenisto, kiu estis reprezentanto de la 14-a kaj 15-a Tutlandaj Kongresoj de la Komunista Partio de Chinio. Li estas ankau reprezentanto de la 16-a kongreso. Li nomighas Zhang Houhua, prezidanto de la direktoraro de la Ghenerala Kompanio (Grupo) Huanghe.

    Zhang naskighis septembre de 1947 en iu vilagho de Fugu-gubernio, Shaanxi-provinco. Antau 20 jaroj sub lia gvido la vilaghanoj ekfunkciigis turisman servon kaj fabrikojn kaj starigis kompaniojn el 23 entreprenoj. Ghi laborigis 1160 personojn kaj ghia jara produktovaloro superis 100 milionojn da juanoj. Pro ghi la vilagho farighis la plej richa vilagho en norda Shaanxi. Zhang mem ricevis la titolojn "labormodelo", "eminenta entreprenisto" kaj "unu el la dek gravaj personoj en la kamparo".

    En 1984 Zhang kolektis 430 mil juanojn kaj per tio fondis cementan fabrikon kun jara produktokvanto de 7 mil tunoj. En la sekvantaj 10 jaroj li fondis 23 entreprenojn, el kiuj estas turisma servo kaj fabrikoj de brikoj, trinkajhoj kaj cementajhoj.

    En 1994 Zhang fondis 4 akciajn entreprenojn, kiuj poste formis la Gheneralan Kompanion (Grupo) Huanghe.

    Zhang bone scias, ke la vojoj ludas grandan rolon por bonhavigho de malrichaj vilaghoj. Por garantii la glatan transporton de karbo alien de la subprovinco Yulin, kie trovighas Fugu-gubernio, kaj prosperigi la lokan industrion, Zhang proponis, ke lia kompanio (grupo) prenu sur sin la respondecon konstrui ponton super la rivero. Kvankam iuj de la kompanio havis malsaman opinion, Zhang tamen insistis, char li opiniis, ke kun tiu ponto la vojo de Yulin al Shanxi kaj Hebei farighos glata kaj ghi certe utilos al bonhavigho de multaj loghantoj, kaj krome pere de pagigo de la veturiloj, kiuj iras sur la ponto, oni facile malshuldigos al si la kreditan monon kaj profitigos sin. Li do kolektis monon kaj konstruigis la ponton Hualong. Post tio la ekonomio de Fugu-gubernio rapide disvolvighis kaj la popola enspezo multe levighis.

    En la Nacia Festo, 2000, alia pontego super la Flava Rivero estis transdonita al trafiko. Ghi estas shosea ponto inter Fugu kaj Baode. Ankau la kompanio de Zhang investis la konstruadon. En la lastaj jaroj lia kompanio investis pli ol 500 mil juanojn por konstrui kaj larghigi la vilaghajn vojojn pli ol 30 km longajn. Por solvi la problemon de akvomanko en iu vilagho kun 600 loghantoj li donacis monon por konduki akvon en la vilaghon. Dank' al tio oni konstruis plastmembranajn forcejojn por kulturi legomojn. Por helpi la malrichajn vilaghanojn, li proponis fondi gvidan grupon por helpi malrichulojn. En la lastaj 4 jaroj lia kompanio donacis entute 1.2 milionojn da juanoj kaj 2800 tunojn da cemento al la loghantoj, urghe bezonantaj helpon. De 1999 chiujare li mem donacas 8 mil juanojn por helpi 16 malrichajn orfojn en lernado, ghis kiam ili finos sian lernadon en universitato. Fugu-gubernio suferis de trosekeco en sinsekvaj jaroj. Por helpi la katastrofitajn loghantojn li foje donacis 100 mil juanojn.