La 17-an de decembro An Min, vicministro de la Ministerio de Komerco de Chinio, diris en la gazetara konferenco okazigita de la Informa Oficejo sub la Shtata Konsilantaro, ke la intertraktado pri la China-ASOAN-a Liber-komerca Areo iris glate. Chinio volas plirapidigi la intertraktadon kun ASOAN-a (Asocio de Sudorient-Aziaj Nacioj), por ke la areo naskighu kiel eble plej rapide. Ghis nun la komisiono pri tiu intertraktado jam kunsidis 10 fojojn.

    La plano "Frua Rikolto" de Chinio kaj ASOAN estos lanchita la unuan de januaro, 2004 kaj tiam la dogano de multaj varoj de Chinio kaj ASOAN estos nulo, nulighos ankau la nedoganaj rimedoj kaj la komerco inter la du flankoj estos libera.

    Nun ASOAN estas grava ekonomi-komerca kompano de Chinio. Ekde 1990 la valoro de komerco inter Chinio kaj ASOAN kreskis chiujare averaghe je 20% kaj en 2002 ilia totala komerca valoro jam atingis 54.8 miliardojn da usonaj dolaroj, je 31.7% pli multe ol tiu en 2001, trioble kiom tiu en 1991.

    An Min diris ankau, ke dank' al la daura disvolvigho de la ekonomi-komercaj rilatoj inter Chinio kaj ASOAN la du flankoj pli multe dependas unu de la alia kaj ili chasas kunlaboron de reciproka utilo. Ili faros penadon por ke en 2005 ilia totala komerca valoro superu 100 miliardojn da usonaj dolaroj.