Unu el la chefaj kauzoj, malhelpantaj la scienc-teknologiajn fruktojn de Chinio en ghia industriigo, estas manko de kapitalo.

    Komence de 2002, en la 3-a Ekspozicio de Novteknologiaj Fruktoj de Zhongguancun, Pekino, oni konigis 200 novajn porindustriigajn projektojn, kiuj ampleksis teknologiojn pri mikroelektroniko, nano-materialoj, biofarmacio, geno-reorganizo kaj aliaj, kiuj reprezentis la nunan nivelon de la teknologia ghardeno de Zhongguancun. La totala bezonata kapitalo de la projektoj estas 1.4 miliardoj da juanoj. Sen la dezirata sumo tiuj eminentaj fruktoj ne povas ludi rolon en la nacia ekonomio.

    En la Kantona Teknologi-disvolva Distrikto iam estis 60 entreprenoj fonditaj de personoj, lernintaj eksterlande. Al ili mankis kapitalo iagrade. Kvankam Kantono publikigis decidon en 1999, ke chiujare la registaro elspezos certan sumon da mono por la personoj studintaj eksterlande, en transformo de iliaj novteknologiaj fruktoj en produkton, tamen pro risko de investado kaj aliaj kauzoj, mankas institucioj de prijughado, tiu sumo ne ludis sian rolon.

Novaj metodoj de kolektado de kapitalo

    Grandnombraj mezgrandaj kaj malgrandaj novteknologiaj entreprenoj rapide kreskis en Usono. Oni atribuis tion al novaj metodoj de kolektado de kapitalo en la merkato. De la fino de la 70-aj jaroj ghis la komenco de la 90-aj jaroj de la 20-a jarcento chiujare la riskaj kompanioj de Usono kolektis 3-5 miliardojn da usonaj dolaroj, kaj post la mezo de la 90-aj jaroj draste dilatighis la riska kapitalo, kiu chiujare estis 25 miliardoj da usonaj dolaroj. Multe mallongighis la tempo de transiro de la riska kapitalo en industrion. Antaue tio bezonis 5 jarojn kaj poste nur unu jaron, kaj antaue novaj kompanioj enmerkatighis 6 jarojn post sia naskigho, sed poste nur 2-4 jarojn.

    En 1997 la China Scienc-teknologia Ministerio prove emisiis entreprenajn obligaciojn por malfermi novajn kanalojn kolekti monon. Sankciite de la Shtata Planiza Komisiono kaj China Popola Banko, ghi emisiis 300 milionojn da juanoj da 3-jaraj obligacioj por disvolvaj novteknologiaj regionoj en Pekino, Shanhajo kaj Shenzhen. La emisio celas chefe investi projektojn de fundamentaj ekipajhoj de la regionoj kaj certagrade satigi bezonon de la konstruo pri kapitalo.

    La shanhaja Investa limigita Kompanio Chuangye estas fondita kaj posedata de la shanhaja registaro. Ghi estas destinita por utiligi la fruktojn de la teknika renovigo de Chinio en la merkata cirkulo. Oni taksis, ke de tio ghi chiujare akiras 30%-50% da profito. Oktobre de 2000 la shanhaja kompanio kune kun singapura kompanio fondis fonduson kun kapitalo de 50 milionoj da usonaj dolaroj. Tio markis, ke la shanhaja kompanio efektivigis gravan transformighon de tiu rekte regata de la registaro en tiun praktikantan merkatan sistemon. Dank' al sia aliancigho kun la singapura kolego Chuangye povas utiligi ties mondsferan kontaktan rilaton. Krom kunlabori kun alilandaj fondusaj establoj, ghi ankau fondis lokan asocion de riska kapitalo por larghigi la kanalojn de investo de la riska kapitalo kaj ties utiligadon. La Shanhaja Disvolva Distrikto Zhangjiang kunlaboras kun 40 kompanioj de riska investo kaj konsultighaj establoj de 2001 kaj kune kun aliformaj eksterlandaj riskaj fondusoj formis certagradan sistemon de riska investo kaj kolekto de kapitalo.

Malfaciloj en riska investo kaj ghia disvolvigho

     Riska investo estas komerca aktivado kaj ghi estas farata chefe de la popolo, sed ne de registaro.

    De la 80-aj jaroj de la pasinta jarcento Chinio havas entute 200 kompaniojn de riska investo kun totala valoro de 30 miliardoj da juanoj.

    Nun la chinaj entreprenoj de riska investo tendencas bone. Lau enketo de instituto pri riska investo multe mallevighis la proporcio de la riska investo de registaro, dum la neregistara investo konsistigas grandan proporcion. Ni prenu Guangdong kiel ekzemplon, nun tie la registara kapitalo konsistigas 45% de la totala kapitalo de la riska investo, dum la popola superis 52%.

    En la estonteco la novteknologiaj distriktoj devas turni sian chefan atenton sur helpo al elitaj novteknologiaj entreprenoj en iliaj origina renovigo kaj internacia konkurenco pri novaj teknologioj, kreo de bona medio kaj energia disvolvo de mezgrandaj kaj malgrandaj teknologiaj entreprenoj por kiel eble plej rapide enkonduki internaciajn novteknologiajn teknikojn kaj helpi chinajn novteknologiajn entreprenojn en internacia konkurenco.