Iu
usona verkisto komencis sian verkon Kurso pri komerca arto, strategia
analizo, projektado kaj praktiko per jenaj frazoj: "La instruistoj
de la Milita Akademio de Usono, magnatoj de usona industrio, strategiistoj
de japana komercista rondo kaj eminentaj korbopilkaj trejnistoj
de Usono, chiuj havas komunan intereson legi la verkon Militarto
de Sunzi." Ili shatas la verkon pro tio, ke chu en komerco,
chu en sportoj kaj milito, strategio estas shlosilo por sukceso.
La
autoro vivis kaj laboris 12 jarojn en Chinio. Lia verko estas destinita
por la magistrighantaj chinaj studentoj. La autoro prezentis per
aparta maniero siajn komprenon kaj impreson pri la verko Militarto
de Sunzi, utiligita en la komerca praktiko. Li diris, ke administrado
de entreprenoj estas la sama kiel la decido de milita strategio
kaj ghia praktiko. "Se oni konas sin mem kaj la rivalon, li
do en chiu batalo venkas". La fama diro de Sunzi estas detale
pritraktita en la kvar partoj de la verko.
En
la unua parto "koni sin mem", la autoro analizas la strategion,
gvidon, strukturon kaj richajhojn de la entreprenoj mem. En la dua
parto "koni la rivalon" li priskribas, kiel oni devas
analizi la rivalon sub la kondichoj makroskopaj kaj tiuj de la entreprenoj
mem. En la tria parto "chiu batalo" li pritraktas la strategiajn
problemojn pri la konkurencado, merkato kaj produktokosto. En la
kvara parto "venka" la autoro diras, kiel oni povas ghuste
antauvidi la rezulton, faras reagon kaj rearanghon por la komercaj
aferoj kaj precipe en krizo. La komercejo ja estas militkampo. La
autoro volas konigi, ke chu antikve, chu hodiau, chu en Chinio,
chu en aliaj landoj, neniu prudenta generalo faras batalon sen strategia
preparo. La entreprenado sen komerca strategio estas nenio alia
ol kazardludo.
|