Mi
amas turismon. En la lastaj jaroj mi plurfoje vojaghis al Yunnan-provinco,
kie mi ebriighis de la belaj naturaj pejzaghoj kaj naciaj moroj.
Krom tio mi estis interesita ankau de la tieaj antikvaj turoj, kiuj
konigis al mi la jarmilan historion de la loko. Sube mi rekomendos
al vi, niaj karaj legantoj, kelke da tiaj turoj en la provinco.
Dali
iam estis politika centro de la Yunnan-a Altebenajho kaj komenca
urbo de la Suda Silka Vojo. La loko prosperis 5 jarcentojn. La antikva
urbo Dali estis konstruita sur malnova restajho de urbo de Ming-dinastio.
Nun restas la suda kaj norda pordoturoj kaj parto de la urbomuroj.
En
Kunming tre famas Daguan-turo che Dianchi-lago, je 2 kilometroj
okcidente de la
urba kvartalo. Trans la lago estas Taihua-templo sur la Okcidenta
Monto. En 1696 oni
konstruis Daguan-turon. En la 18-a jarcento, kiam Chinion regis
imperiestro Qianlong de Qing-dinastio, fama erudiciulo Sun Ranweng
vizitis la turon kaj verkis versparon el 360 ideogramoj, kiu bele
priskribas la belan pejzaghon de Dianchi-lago kaj kelkmiljaran historion
de Yunnan. La longa versparo mirigis la tutan landon. Oni konkure
legis ghin kaj nomis ghin la unua versparo de Chinio. Daguan-turo
famighis tra la tuta lando ankau pro la longa versparo. Nun ghi
estas unu el la kvar famegaj turoj de Chinio.
En
Jianshui-gubernio estas fama turo Chaoyang, kiu estas la orienta
pordego de la urbo. Kun areo de 2312 kvadrataj metroj ghi longas
77 metrojn de sude norden kaj larghas 26 metrojn de oriente okcidenten.
La groptegmenta turo el 3 etaghoj estis konstruita en 1389. Sur
chiu etagho elstaras belaj aleroj. Chiuj ghiaj traboj estas delikate
gravuritaj kaj kolonoj bele lakitaj. La konstruajho imponas kun
grandaj tabuloj che la fasado, sur kiuj estas ideogramoj kun la
signifo "Impono en sudorienta Chinio" kaj "Fluganta
chiel-rugho kaj fluanta nubo". Oni diras, ke ghi estas la plej
eltara turo en Yunnan-provinco.
La
Kvin-feniksa Turo de Lijiang estis konstruita en 1601, Ming-dinastio,
poste ghi estis ruinigita. En 1882 ghi estis rekonstruita kaj poste
oni translokis ghin che Heilong-lagon. Ghi, tri-etagha ligna konstruajho
20 metrojn alta, imponas sur kvadrata shtona bazamento. Ghi havas
32 kolonojn kaj 8-angulajn alerojn sur chiu etagho. Rigardate de
ajna loko la aleroj aspektas kiel 5 flugaj feniksoj, pro kio ghi
ricevis sian nomon Kvin-feniksa Turo. La grandioza turo kun strikta
strukturo estas gravurita delikate kaj pentrita charme. Ghi estas
kristaligho de la hana, baja, tibeta kaj nashia kulturoj kaj koncentre
manifestas la arkitekturajn trajtojn de nashia nacimalplimulto.
Sur
Maohe-monto de la suda parto de Shiping-gubernio staras fama turo
Zhuangyuan, kun triobla alero. La turo altas 16.67 metrojn kaj chiu
etagho longas kaj profundas 19.08 metrojn. Ghi staras sur la loko
kun areo de 364.05 kvadrataj metroj. En la turo eksponighas 27 pentrajhoj
pri la vivo de s-ro Yuan Jiagu, kiu estis la plej eminenta sukcesinto
(nomata Zhuangyuan) en la palaca ekzameno, kiam regis imperiestro
Guangxu de Qing-dinastio en 1903. Siatempe la gubernatoro de Yunnan
kaj Guizhou donacis al li honoran tabulon kun surskribo "La
plej eminenta en Chinio". Sub la tegment-rando de la fasado
pendas 3 tabuloj kun orumita surskribo "Zhuangyuan-turo".
|