La vaste etendighanta Emei-monto, unu el la famaj budhismaj montoj de Chinio, staras en Sichuan-provinco. Mi proponas al vi viziti nur ghian chefan parton, nome la Grandan Emei.

    Vi unue venu al Pekino kaj tie vizitu kelkajn tagojn. Poste vi flugu al Chengdu, chefurbo de Sichuan-provinco, kaj de tie trajne veturu al Emei-monto.

    Atinginte la monton altan je 3077 m. super la marnivelo, vi tuj sentos tute novan etoson plenan de sankteco, pureco kaj senlimeco de religio. En kvieta verda ombro shtona vojo spirale kondukos vin supren al la montosupro. Tie estas bona loko por memkulturo. Ne mirindas, ke en la antikveco oni multe konstruis sur la monto. En Ming- kaj Qing-dinastioj (1368-1911) tie majestis chirkau cent temploj grandaj kaj malgrandaj, el kiuj restas ne multe, tamen la incensado ankorau viglas. Lauvoje vi vidos, ke multaj venintoj de malproksimaj lokoj pie adorklinighas kaj preghas incensante.

    Aperos antau vi unue la pordo de Emei, la templo Baoguo konstruita en 1614. En ghi staras tre valora bronza pagodo, 14-etagha kaj 7 m. alta, farita en Ming-dinastio. Sur la pagodo estas pli ol 4700 statuoj kaj la kompleta kolekto de "Sutro Huayan". Pro tio ghi portas la nomon Huayan.

    Grimpante pli supren de Baoguo-templo, vi vidos la Dekmiljaran Templon, unu el la chefaj temploj sur la monto. La templo estis konstruita en Jin-dinastio (265-420). Antaue la templo havis 7 kortojn tre imponajn, kaj poste ghi spertis plurfojajn detruojn kaj rekonstruojn. Nun la templo havas 2 kortojn rekonstruitajn en 1953. En la templo estas bronza budho Samantabhadra. La budho sidas sur blanka elefanto kun 6 dentoj. La tuta statuo delikate skulptita altas 7.3 metrojn kaj pezas 62 tunojn.

    Sur la monto trovighas ankau la templo Hongchunping konstruita en Song-dinastio (960-1279) kaj riparita en la postaj dinastioj. Proksime de ghi kreskas 1500-jara arbo kun prospera foliaro kaj en ghi estas lotus-forma lanterno en alto de 2 metroj. Sur la lanterno gravurighis 7 drakoj kaj centoj da budhoj. La antikva templo sidas sub la monto Tianchi. La templon krampas kontinuo da montoj kaj ambauflanke profundas valoj kun fluo. La densa arbaro ombrelas super la loko, ke ghi ighis bona somerumejo.

    Sur la Ora Supro de la monto staras Puguang-templo, apud kiu kvietas la belvidejo Duguangtai por rigardi nuban maron kaj sunlevighon. En serena posttagmezo, kiam vi staros sur la belvidejo, vi povos vidi kolorajn lumringojn super nuba maro, nomatajn "Budha Nimbo". Vi ankau povos vidi sian figuron en la mezo de la nimbo. Sed la apero de lumringoj estas decidita de la vetero, sekve ne chiuj turistoj povas vidi la spektaklon. Mi esperas, ke vi chiuj havos bonshancon.

    Post vizito en Emei-monto vi revenos al Chengdu kaj de tie veturos per auto al Leshan por rigardi la gigantan budhon. La fama budho estis skulptita sur monto che riverbordo. Laudire la skulptado de la budhostatuo estis iniciatita de bonzo Haitong en Tang-dinastio (618-907). Li ofte vidis ship-pereon en la torenta rivero kaj ekhavis la deziron skulpti la budhostatuon, por ke ghi bridu la demonojn en la rivero. La skulptado dauris de la jaro 713 ghis 803. La budhostatuo altas 71 metrojn, same kiel la monto. La piedoj de la statuo atingas la akvosurfacon de la rivero. La piedo estas tiom granda, ke sur ghi povas sidi cent homoj.

    La vizitado bezonas 10 tagojn. Poste vi flugos de Chengdu al Shanhajo por hejmlanden vojaghi.