La Xishuangbanna-a Taj-nacia Autonoma Subprovinco en sudo de Yunnan-provinco, Chinio, famas pro pavdanco, sovagha elefanto, primitiva arbaro kaj Akvoversha Festo. La Akvoversha Festo estas la plej granda festo de taj-oj.

    La Akvoversha Festo okazas en la 22-a de marto lau la luna kalendaro, sed kelkajn tagojn antau la festo la tuta subprovinco jam viglighas. La konkurso de drakboatoj kaj vizito al bazaro komencighas antau la festo.

    En Ginghong, chefurbo de Xishuangbanna, trovighas Lancang-rivero. La konkurso de drakboatoj okazas sur la rivero. Pli ol 10 trupoj el la tuta subprovinco parto-prenas en la konkurso. La drakboatoj mallarghaj kaj longaj, chiu kun pli ol 20 boatistoj en bela nacia kostumo, pafighas lau la fluo.

    Tiam ambauflanke de la rivero okazas granda aktivado. Lau la rivero oni vendas diversajn komercajhojn. Taj-aj fraulinoj vestitaj per diversaj koloraj tubjupoj, kun belaj floroj sur la kapo kaj ombrelo en la mano, staras antau vicoj da butikoj, kio formas belan bildon.

    La 22-an de marto lau la luna kalendaro venas la Akvoversha Festo. Escepte de maljunuloj, infanoj kaj policanoj oni vershas akvon sur chiujn. Zhou Enlai, iama chefministro de Chinio, cheestis la Akvovershan Feston vizitante la Taj-nacian regionon.

    En la tago Ginghong farighas akva mondo pro la Akvoversha Festo. Ekde mateno, kun sitelo, kuvo, cherpilo au akvopafilo oni amashighas che la vojo kaj intervershas. Viroj kaj virinoj, junuloj kaj maljunuloj, konatoj kaj nekonatoj forgesas chagrenon kaj malagrablajhon, ghojplene kuras kaj intervershas per akvo. Personoj tramalsekighintaj ghuas tian felichan kaj benan akvon.

    En la strato oni organizas amuzan paradon. Venas autoj ornamitaj per diverskoloraj floroj kaj rubandoj. En la autoj gefrauloj vershas akvon sur irantojn kaj chi tiuj faras la samon. Venas trupo de elefanto, kies kapo portas florkronon. Sur ilia korpo staras kansegho, sur kiu sidas fraulino en bela vesto. La fraulinoj ridetas kaj svingas manojn. Vidinte tion, frauloj svarmas al la elefantoj kaj vershas akvon. Post ilia foriro la fraulinoj sur la elefantoj estas jam tramalsekighintaj. Akvo fluas ankau lau la oreloj de la elefantoj. Venas kantdanca trupo. Taj-aj frauloj dancas kaj kantas, akompanate de tamburado, kaj taj-aj fraulinoj disvershas akvon al spektantoj. Ankau la spektantoj vershas akvon sur gefraulojn. Ju pli multe da akvo ili vershas, des pli vigle la frauloj dancas kaj des pli ghoje la fraulinoj ridas.