La kanjono de Yarlung Zangbo en la sudoriento de la Qinghai-Tibeta Altebenajho, Chinio, "la lasta mistera loko por la homaro". En la pasintaj jaroj geosciencistoj kaj ekspedicioj el diversaj landoj vizitis la kanjonon kaj malkashis ghian misteron. Post tio pli kaj pli da turistoj alighis al la ekspedicia vojagho al la kanjono de Yarlung Zangbo.

Menba-oj kaj la kanjono de Yarlung Zangbo

    La kanjono de Yarlung Zangbo situas en Modo-gubernio de Tibeto. Pro ghiaj granda absoluta alteco, danghera topografio kaj maldensa aero turistoj devas havi ne nur sanon kaj paciencon, sed ankau sufichan manghajhon.

    Che la kanjono loghas neniu krom menba-oj, kiuj estas nemankigeblaj gvidantoj por turistoj. Menba-oj kredas je budaismo kaj havas specialan kultan lokon. Che la vilagho ofte trovighas flagoj. La menba-oj de Pailong-vilagho che la bordo de Yarlung Zangbo konservas sian tipan moron. En la 17 vilaghoj loghas pli ol 600 menba-oj.

    En Pailong estas 10 baskulpontoj el kabloj, kiuj konstruighis super la rivero au inter la kanjono kaj klifo. Kvankam dangheraj, ili estas nepra pasejo al la kanjono.

    Estas ekscite eniri en tershovighan regionon de la kanjono. Inter Pailong kaj la interno de la kanjono trovighas pli ol 10 dangheraj tershovighaj regionoj, inter kiuj Wenquan-regiono, longa je 120 metroj, havas du partojn, shtonfalan kaj tershovighan. En la regiono glata shtono glitfalas de supre en ajna momento kaj glitfaligas multajn aliajn. Vojeto kun largheco de ch. 10 centimetroj piedpremita de menba-oj trapasas la centron de la regiono sen balustrado, kaj sub la piedoj estas abismo je 100 metroj profunda. Sen helpo de menba-oj, turistoj ne povus trapasi la regionon.

La kanjono kun richfontoj

    La rivero Yarlung Zangbo serpentumas inter la multnombraj neghmontoj kaj verdaj montoj de Himalajo, formas mirindan kurbighon chirkau Nanjiabawa-pinto, kaj fluas suden al la Hindia Oceano; la kanjono de Yarlung Zangbo estas plej granda vapora koridoro de la Qinghai-Tibeta Altebenajho, influata de humida kaj varma aerfluo de la Hindia Oceano; che la kanjono trovighas klifoj kaj torenta akvofluo, kiu estas tiel danghera, ke neniu spertis tie drivadon; la kurbigho de Yarlung Zangbo estas plej vidinda loko, kies tersurfaco formas apartan ekologian pejzaghon.

    En Zangbu Badong che la kanjono trovighas kvar plej grandaj akvofaloj de Chinio, el kiuj 3 altas chiu je ch. 35 metroj kaj larghas je 50-120 metroj.

    Oni nomas la kanjonon la plej alta oazo en la mondo. En la verda fono neghmonto, glacirivero, oraj kolzaj kaj verdaj sekalaj kampoj formas la plej kompletan vertikalan naturan zonon en la mondo. La flauro havas variecon kaj komplikecon de la strukturo. Nun tie trovighas 5000 plantoj malfacile videblaj sur la Qinghai-Tibeta Altebenajho. En pli ol 50 kilometroj da loko de la supro de Nanfeng-monto ghis Beibeng-valo de Medo oni spertas klimatan shanghighon de la polusa regiono al la ekvatoro.

    La kanjono estas ankau natura zoo. Ambauflanke de la kanjono vivas pli ol mil bestoj, inter kiuj pli ol 60 estas metitaj en la liston de chinaj protektataj bestoj, kaj multe da birdoj, inter kiuj pegoj havas 6 specojn.

    Kial la bestoj povas libere vivi tie? Unue la humida klimato kaj richaj plantoj liveras bonan medion por la bestoj; due sen homa detruo la bestoj povas esti protektataj.

    Antauvideble, la kanjono de Yarlung Zangbo kaj Qomolangma, la plej alta montokresto en la mondo, certe allogos pli da turistoj en la 21-a jarcento.