Zhongxiang
estas nerimarkinda loko sur la china mapo, tamen ghi renomas kiel
vicchefurbo de Chu-regno, loko kun mondaj heredajhoj kaj unu el
la ses longvivaj urboj de Chinio.
Ghi situas meze de Hubei-provinco, kun 1.03 milionoj da loghantoj.
Tie estas multe da dolomitoj kaj fosforaj minajhoj.
Historiaj dokumentoj notas, ke antau 2700 jaroj la loko estis unu
el la gravaj luliloj de Chu-kulturo. En 1531 ghi ricevis la nomon
pro tio, ke tie naskighis imperiestro Jiajing (1522-1567 sur la
trono) de Ming-dinastio (1368-1644). La imperiestro nomis la lokon
Zhongxiang, kiu en la china lingvo signifas bonauguron kaj felichon.
Zhongxiang estis politika, kultura kaj ekonomia centro en la regiono.
La longa historio postlasis multe da historiaj objektoj al tiu loko,
kiu heredis la richan kulturan tradicion de Chu-regno kaj Ming-dinastio.
Tial oni nomas ghin Muzeo de la Tero.
El la historiaj restajhoj Xian-mauzoleo de Ming-dinastio estas fame
konata. Ghia mastro neniam sidis sur la trono. Sed post surtronigho
de lia filo oni konstruis ghin lau la normo de imperiestra mauzoleo.
Ghia grandioza konstruajho kaj originala formo mirigas multajn vizitantojn.
En 2000 Unesko envicigis ghin en la nomliston de mondaj kulturaj
heredajhoj. Krom tio tie estas ankau restajho de Bianfan-kulturo,
Yuanyou-palaco, Wenfeng-pagodo kaj aliaj. Ili estas bonaj materialoj
por studi la kulturon de Chu-regno kaj Ming-dinastio.
En Zhongxiang estas ankau multe da belaj naturaj pejzaghoj. Huangxian-groto
estas granda kaj mirinda. En la groto estas shtona halo kun areo
de 20 mil kvadrataj metroj Dahongkou kaj Dakou ravas la vizitantojn
per sia idilia pejzagho.
Tamen la malfacila trafiko katenis ekonomian disvolvighon de la
loko, sed aliflanke ghi protektis la pejzaghojn, ekologian medion
kaj minajhojn. Post membrigho de Chinio al la Monda Komerca Organizo,
pro la granda ekonomia disvolvigho de la meza kaj okcidenta partoj
de Chinio kaj konstruado de ekspresaj vojoj de la provinco, la perspektivo
de Zhongxiang certe estos tre bela.
|