Hejmo
de ginsengo
Ji'an situas en la montaro Changbai, kiu abundas je ginsengo. Laudire
jam antau 4000 jaroj oni sciis la kuracan valoron de ginsengo, kaj
ankau la moderna scienco montras, ke ginsengo utilas al homa sano
kaj longigas homan vivon.
Oni
nomas Ji'an "hejmo de ginsengo". Ghi trovighas en la baseno
de Xinkai-rivero kaj estas chirkauita de primitiva arbaro, kie la
organikaj elementoj de la tero, senpolucia aero, duonoceana klimato
kaj suficha sunlumo helpas kreskadon de ginsengo. La tiea ginsengo
havas ne nur grandan produktokvanton, sed ankau bonan kvaliton,
precipe "Xinkaihe"-panako, fama vario de Ji'an-ginsengo,
kiun oni prilaboras en rughan ginsengon kun kristala kerno.
La
orienta piramido
Ji'an havas longan historion kaj richan kulturon. La antikva tombejo
de Gaogouli-dinastio estas difinita de la Shtata Konsilantaro de
Chinio kiel protektata restajho.
En
la 3-a jaro p.K. Gaogouli-dinastio translokis sian chefurbon al
Ji'an che Yalu-rivero, kaj en la 427-a jaro al Pjongjango de Koreio.
Dum la 425 jaroj Ji'an estis centro de politiko, ekonomio, kulturo
kaj milita afero de Gaogouli-dinastio. Subtere kaj surtere de Ji'an
trovighas multaj kulturaj restajhoj kaj sennombraj antikvaj tomboj
en la chirkauurbo de Ji'an.
El
la tomboj la plej atentokaptaj estas la regha tombo kaj generala
tombo, kiuj aspektas kiel piramidoj de Egiptio. La bone konservita
generala tombo, kiu apartenas al la longviva 20-a regho de Gaogouli-dinastio,
situas je 4.5 kilometroj nordoriente de Ji'an. Ghi aspektas kiel
prismo kun alteco de 12.4 metroj kaj havas 7 shtupojn. La areoj
de la bazo kaj supro estas 960 kaj 270 kvadrataj metroj respektive.
La tombo estas masonita el granito kaj rulshtonoj. Por preventi
aliformighon pro peza premo de la granito, che la 4 flankoj de la
tombo oni metis po 3 grandajn shtonojn, el kiuj la plej malpeza
havas pezon de pli ol 15 tunoj. Inter la 3-a kaj la 5-a shtupoj
estas tomba chambro en kvadrata formo, longa je 20 metroj kaj alta
je 5.5 metroj, kun pasejo en la mezo de la 5-a. La du cherkoj estis
riparitaj post prishtelo. Estas mirinde, ke la tegmento de la tombo
estas kovrita de granda shtono de pli ol 60 kvadrataj metroj, kiu
pezas pli ol 50 tunojn. Lau la fera shtuparo en la sudorienta flanko
de la tombo oni povas supreniri la chambron au tegmenton. En la
tombejo trovighas 1 akompana tombo, sed antaue 5.
Haotai-tombo
apartenas al la 19-a regho de Gaogouli-dinastio. Pli granda ol la
generala tombo, nun ghi jam disfalis kaj restis monteto el senordaj
shtonoj. La meza kaj supra partoj de la tomba chambro estis prishtelitaj,
nun nenio ene. Che la tombo trovighas steleo de Haotai-regho, alta
je 6.4 metroj. Sur la steleo estas gravuritaj vortoj pri la historio
de Gaogouli-dinastio kaj merito de Haotai-regho pro militoj.
Malproksime
de industrio
Nun Ji'an ankorau malproksimas de moderna industrio. Blua chielo,
verdaj montoj kaj klara akvo formas belan naturan medion. En Changbai-montaro
108-2000 metrojn super la marnivelo estas vertikala flaura zono
kun multe da raraj vegetaloj. En la profunda montaro vivas nigra
urso, sovagha porko, makulhara cervo, vulpo, fazano kaj aliaj birdoj.
Laoling
en norda Ji'an estas sudokcidenta brancho de Changbai-montaro. Ghi
estas bela kaj grandioza. Sur ghi trovighas aplikaj rokoj kiel kolonoj,
strangaj shtonoj, maljunaj arboj chirkauitaj de liano, sovaghaj
herboj, kiuj altiras papiliojn kaj birdojn. En malfrua autuno la
montaro estas kovrita de arbofolioj de diversaj koloroj: roza, skarlata,
amaranta, orflava, palflava, smeralda, palverda...
La
arbara parko Kvinknabina Montpinto estas la plej bela loko en Ji'an.
Tie 5 montoj paralele staras kiel 5 belaj knabinoj en multkoloraj
vestoj. Lau legendo sur la chielo estis 5 feinoj, kiuj rigardis
Ji'an bela loko. Ili shtele venis en la homan mondon, ghoje ludis
en la montaro kaj rivereto kaj forgesis reveni al la chielo. Rimarkinte
tion, la chiela regho punis ilin, transformante ilin en 5 montpintojn.
Nun la legendo ankorau cirkulas kaj interesas turistojn.
|