Sude
de Zhuozhou, Hebei-provinco, oni starigis novan urbon. Ghi estas
unu el la produktaj bazoj de la Centra Televida Stacio, la plej
granda en Chinio. Malfermite, ghi jam akceptis turistojn kaj filmistojn
en -kaj eksterlandajn.
Laudire,
dum la periodo de Tri Regnoj (220-280), Liu Bei, estro de Shu-regno,
kaj lia generalo Zhang Fei naskighis en Zhuozhou, kaj ili konatighis
kun alia generalo Guan Yu en tiu loko. En persika ghardeno la tri
personoj fratece ligighis por chiam. Per ilia renkontigho komencighis
la fama china klasika romano "Rakontoj de Tri Regnoj".
La urbeto
Han en la televida urbo konstruighis por filmado de la 80-parta
televida filmo "Rakontoj de Tri Regnoj". Antaue oni elektis
kaj konstruis provizoran filmejon de televida filmo diversprovince,
kio kauzis grandan malshparon de mono, tempo kaj uzitaj konstruajhoj
zorge projektitaj de belartisto por la filmo. Por shanghi la situacion,
ekde 1990 la Centra Televida Stacio investis por konstrui produktan
bazon en Zhuozhou.
Pordo-turo
staras sur la alta defendmuro de la urbeto Han, kie oni filmadis
multajn atakajn spektaklojn en "Rakontoj de Tri Regnoj"
kaj spektaklojn de Han-dinastio en aliaj televidaj filmoj. En la
urbeto kushas tri stratoj, kiuj portas stilojn de Wei-, Wu- kaj
Shu-regnoj. Ekz. la strato en stilo de Wu-regno similas al tiu en
akvoricha regiono sude de Yangzi-rivero. Ligna ponto staras super
kanalo lau la strato. Ligna shipo ripozas en la kanalo. antau filmado
oni devas pumpi akvon de proksima rivereto en la sekan kanalon.
Tiel oni kreas tipan stratan pejzaghon ofte videblan en la akvoricha
sudo. Lau la stilo de Tang-dinastio (618-907) oni starigis la urbeton
Tang, kiu portas chefe nigran kaj grizan kolorojn same kiel la urbeto
Han, sed la unua estas pli grandioza ol la lasta. En ghi altas pordo-turo,
larghas strato, luksas palaco kaj modestas popolaj loghdomoj. Tie
naskighis pli ol dek filmoj kaj televidaj filmoj, inkl. la granda
televida filmo "Li Longji" pri imperiestro de Tang-dinastio
kaj la filmo "Yang Yuhuan" pri lia plej dorlotata kromedzino.
Ankau la televida filmo "Li Shimin" pri alia imperiestro
de la dinastio filmighis tie. En la filmo la juna imperiestro Li
Shimin svingadis glavon, sidante sur galopanta chevalo, kiel brava
militisto.
Tie la
loghejo estas luksa: alta alero, granda chefhalo, elegantaj mebloj,
zigzaga verando, belaj artefaritaj montetoj, verda herbaro. Ambauflanke
de la strato staras butikoj unu apud alia kun diversaj shildoj,
kiuj montras prosperon de la dinastio. Post la inauguro en la 5-a
de septembro 1992 la Televida Urbo jam akceptis dekmilojn da turistoj.
La Televida
Urbo konstruighis iom post iom lau la bezono de filmado. Oni konstruis
la urbeton Tang pli frue ol la urbeton Han. Kiam la unua finkonstruighis,
finighis la filmado de la televida filmo "Li Longji".
Nun la konstruado de la urbeto Han kaj la filmado de la televida
filmo "Rakontoj de Tri Regnoj" iras samtempe.
En la
Televida Urbo konstruighis ankau luksaj hoteloj Taoyuan kaj Meiyuan
en stiloj de Tang- kaj Qing-dinastioj por akcepti filmistojn kaj
turistojn. La filmado-halo kun areo de 1 200 kvadrataj metroj, la
plej granda en Azio, jam ekfunkciis. La konstruantoj de la urbo
planas starigi pli multajn antikvecajn konstruajhojn en tiu 200-hektara
dezerto, ekz. tiuj de Song-dinastio (960-1279) kaj Yuan-dinastio
(1271-1368), subakva truka filmejo kaj primora pitoreskejo de nacimalplimultoj.
Antauvideble,
la Televida Urbo pli kaj pli perfektighos kaj allogos pli da homoj
kiel bazo de filmo-produktado, galerio de antikva kulturo kaj turisma
loko sur la ebenajho de norda Chinio.
|