En la china historio preskau chiuj imperiestroj kaj korteganoj amis
naturajn pitoreskejojn, kaj la ghardenoj funkciis kiel peranto por
ke ili sin banu en la naturo. La chinaj arkitektoj substrekis harmonion
de la naturaj kaj artefaritaj pejzaghoj. Ili faris rokajhon tiel,
ke ghi portu neniun signon de artefarado, tial la Somera Palaco
en Pekino kaj la Someruma Vilao en Chengde ambau estas belaj kiel
la naturaj pejzaghoj. La Someruma Vilao en Chengde multe diferenccas
de la pompa Somera Palaco en Pekino. Tie ne vidighas brilaj domtegmentoj
el flave glazuritaj tegoloj, nek pompaj pentrajhoj, blankmarmoraj
balustradoj kaj rughaj muroj, kaj tie la arkitekturaj trajtoj estas
pli similaj al la naturaj. Tie la koridoroj larghas nur 1.2 metrojn,
ech malpli larghaj ol tiuj en la modernaj oficdomoj. Kvankam la
fronta pordo de la vilao havas turon, tamen la muroj estas malaltaj.
Imperiestro
Kangxi (1662-1723 sur trono) de Qing-dinastio (1644-1911) konstruigis
ekster la chefurbo modestan palacon ne pro financa malfacilo kaj
shparemo, sed pro lia aparta shato de la naturaj pejzaghoj.
La
vilao estis projektita sur la fono de simpla natureco kaj la projektado
asimilis malsamajn arkitekturajn metodojn kaj stilojn de la ghardenoj
en suda kaj norda Chinio. En la projektado oni lerte kombinis la
krudajn arkitekturajn trajtojn de norda Chinio kun la eleganta dekoracio
de suda Chinio, tiel ke la vilao havas kaj la imperiestran grandiozecon
kaj charmecon de la ghardenoj sude de Yangzi-rivero.
Kvankam
la Someruma Vilago estas modesta, tamen la 8 temploj ekstere de
la vilao estas imponaj kaj grandiozaj. Ili akre kontrastas kun la
modesta vilao, kio ja montris la ideon de la chefprojektinto Kangxi,
kiu volis montri siajn arkitekturajn trajtojn en la konstruado,
char en traktado de la naciaj problemoj en landlimaj regionoj la
imperiestro volis anstatauigi la negativan militan kontraustaron
per pozitiva paca kunekzisto. Li preferis konstrui la eksterajn
8 templojn ol konstrui la Grandan Muron. Li deziris anstatauigi
la militajn konstruajhojn per religiaj konstruajhoj kun la celo
defendi la landlimon kaj unuigi la shtaton. La tieaj temploj estis
destinitaj chefe por akcepti gvidantojn de nacimalplimultoj kaj
kontentigi ilian religian bezonon, tial la temploj estas ne nur
luksaj kaj imponaj, sed iuj el ili portas la tibetan arkitekturan
stilon kaj aliaj estas kombino de la hana kaj tibeta stiloj. Multaj
el ili estas tegmentitaj per orumitaj kupraj tegoloj. Sole por la
orumado oni konsumis 154000 taelojn da oro, kompreneble tio ne estas
komparebla kun elspezo por la Granda Muro.
La
imperiestro konstruigis sian propran palacon modesta, kio celas
ne nur harmoniighon kun la naturo, sed ankau reliefigon de la lukseco
de la eksteraj 8 temploj. Li deziris, ke tiamaniere la gvidantoj
de la nacimalplimultoj sentu, ke la suvereno estas tre modesta,
sed alte taksas la nacimalplimultojn. Fakte la modesta vilao ne
mallevis la grandecon de la imperiestro, sed male, firmigis lian
pozicion kaj la solidarecon de la chinaj nacioj kaj unuighon de
la tuta lando.
|