En
la sudokcidenta antauurbo de Pekino estas antikva shtona Lugou-ponto
konstruita antau pli ol 800 jaroj. Ghi ghuas grandan famon pro la
mondskua evento, eksplodo de la Kontraujapana Rezistmilito en la
7-a de julio de 1937. Ghi estas la plej malnova multarka shtona
ponto en Pekino.
La
ponto longas 266.5 metrojn kaj havas 11 spanojn. La ponto estis
farita el granito kaj la mezaj spanoj estas pli larghaj ol la flankaj.
La 10 pilieroj staras sur sedimenta stratumo el sablo kaj rulshtonoj
en dikeco de 9 metroj. La flankoj de la pilieroj kontrau la fluo
estis konstruitaj en formo de beko por rompi glaciajn blokojn kaj
moderigi la forton de torenta fluo. La bekoj estis garnitaj per
triangula ferajho por gardi la pilierojn kontrau pushego de torenta
fluo kun glacio.
La
ponto ghuas famon ankau pro siaj delikataj gravurajhoj. 281 kolonetoj
sur la ponto estis gravuritaj je lotusa floro che la supro kaj lotusa
folio che la bazo. La kolonetoj krampas inter si 279 shtonajn blokojn
gravuritajn je diversaj desegnoj. La suproj de la kolonetoj estis
grvuritaj je 489 leonoj en diversaj grandecoj kaj mienoj.
Che
ambau ekstremoj de la ponto staras po kvar ornamaj kolonoj en alto
de 4.65 metroj, majstre gravuritaj. Krome tie staras ankau po unu
kvadrata kiosko el blanka marmoro, kaj la kvar kolonoj de la kiosko
estis delikate gravuritaj je drakoj. En unu kiosko staras monumento
kun skribo de imperiestro Kangxi pri la rekonstruado de la ponto
kaj en la alia estas steleo kun skribo de imperiestro Qianlong pri
la titolo de la ponto "Matena Luno che Lugou".
Oriente
de la ponto estas urbo Wanping, kiun oni instalis antau centoj da
jaroj por defendi la chefurbon. Nun la vizitantoj ankorau povas
vidi la postsignojn de pafado kaj kanonado de la Kontraujapana Rezistmilito
eksplodinta en la 7-a de julio de 1937. La urbo estas loko por rememorigi
la historian eventon. Norde en la urbo estas Muzeo de la Kontraujapana
Rezistmilito de la China Popolo, kaj oriente estas Tombejo de Martiroj
de la Kontraujapana Rezistmilito. Sur la pordoturo de la urbo estas
Memordomo por la Evento de la 7-a de Julio kaj Eksponejo de Antikvaj
Pontoj de Chinio.
|