31
kilometrojn oriente de Emei-monto estas urbo Leshan, kie staras
Lingyun-monto apud rivero, kaj sur la rokmuro vidighas reliefo de
sidanta budho.
La
budho altas 71 metrojn kaj la kapo okupas 14.7 metrojn. La frunto
larghas 10 metrojn kaj la shultroj 24 metrojn. La oreloj longas
7 metrojn kaj du homoj povas stari en la oreloj. La instepo larghas
8.5 metrojn kaj sur ghi povas stari cent homoj.
En
decembro de 1996 la budhostatuo estis enskribita de Unesko en la
Liston de Mondaj Heredajhoj.
La
gravurado komencighis en 713. Lingyun-monto situas che la kunfluejo
de la riveroj Minjiang, Dadu kaj Qingyi. Tie la fluo estas torenta
kaj la monto estas frapata de ondoj. En pluvsezono la fluo estis
pli sovagha kaj ofte okazis kunfrapigho de shipoj kontrau rokmuro
de la monto. Bonzo Haitong de Lingyun-templo sur la monto decidis
gravuri grandan budhon pensante, ke la detranchitaj shtonoj povos
malrapidigi la fluon kaj la budho povos superregi la superakvon
per sia magia povo. Li kolektis monon dum 20 jaroj. Iu loka shtatoficisto
postulis de li subacheton kaj estis kategorie rifuzita. La bonzo
diris: "Mi preferas detranchi miajn okulojn ol doni al vi monon!"
Kaj li detranchis siajn okulojn kaj prezentis ilin al la shtatoficisto.
Post forpaso de la bonzo prefekto Wei Gao kolektis laborulojn por
daurigi la gravuradon. La centra registaro helpis la gravuradon
per la mono kolektita kiel imposto super salo kaj kanabo. La gravurado
dauris 90 jarojn.
La
giganta budho havas nevideblan akvodrenan sistemon. Sur la kapo
de la budho estas 18 cirkloj da harhelikoj, kaj sur la 4-a, 9-a
kaj 14-a cirkloj estas masonitaj sulkoj nevideblaj de malproksime.
Ankau la kolumo kaj faldoj de vesto havas akvodrenajn sulkojn. Tiaj
sulkoj trovighas ankau sur la brusto kaj maldekstra brako. Tiuj
sulkoj forkondukas akvon, protektas la budhon de malsekeco kaj bone
aerumas la budhon.
Maldekstre
de la budho estas zigzagaj shtuparoj kondukantaj ghis la bazo de
la budho. Sur la rokmuro, dekstre de la budho estas antikva 9-zigzaga
viadukto, kiu kondukas ghis la verto de la budho kaj ankau la montosupro.
Tie oni povas vidi, ke la haroj de la budho estas ligitaj en 1021
helikojn. Ili estas inkrustitaj shtonoj.
La
budho estis serioze eroziita. En 1962 la registaro asignis grandan
sumon da mono por ripari ghin. Poste ghi estis prenita kiel protektata
shtatnivela historia restajho. Nun oni refoje faras riparadon kaj
protektadon sub la direktado de la Komisiono de Mondaj Heredajhoj
de Unekso kaj en- kaj eksterlandaj specialistoj.
|