Bela
kaj majesta, la monto Lushan staras alte che Poyang-lago en Jiangxi-provinco
kun Yangzi-rivero fluanta apude al la nordo. La montpintoj levighas
1400 metrojn super la marnivelo, chiam vualitaj en nebuleto. Tial
la monto Lushan ofte kashighas en nuboj kaj nebulo.
Che
la bazo de aro da montpintoj, kiuj kovras areon de 250 kvadrataj
kilometroj, estas la urbo Jiujiang. De tie la autobuso lauveturas
zigzagan montan shoseon, grimpante al Guling, "urbo en nuboj".
Che altitudo de 1100 metroj, la temperaturo estas ghenerale 10¡ãC,
pli malalta ol en la valo malsupre. Ech en la varmega julio la meza
temperaturo estas 22.6¡ãC, tre agrabla. Guling estas
ideala loko por somerumado kun hoteloj kaj restoracioj, butikoj
kaj teatroj por servi vizitantojn al la monto Lushan. En Guling
finighas la shoseo.
Kelkfoje,
promenante tra la stratoj de tiu chi ghardena urbo, oni vidas la
chielon subite mallumighi, dum nuboj envolvas la stratojn kaj domojn.
Mallonge poste, sunbrilo reaperas kaj la nuboj forighas. La chicheronoj
klarigas, ke la monto Lushan estas en nebuleto ses monatojn en la
jaro. La amaso de akvovaporo levighanta el Yangzi-rivero kaj Poyang-lago
kunighas kun la pli malvarma monta aero kaj densighas en nubojn
kaj nebuletojn.
"La
Florpado", tiel nomata pro la multo da floroj laulonge de la
vojo, kondukas al eleganta ombrelforma pavilono kun vermiljonaj
kolonoj. En la pavilono estas shtonplato kun surskribo "La
Florpado" laudire de la fama poeto de Tang-dinastio Bai Juyi.
Oni kredas, ke Bai skribis ne fore de la pavilono sian vaste legatan
poemon pri sia admiro de la persikfloroj sur la monto. Antau pli
ol mil jaroj Bai estis shtatoficisto en Jiujiang. Iutage en malfrua
printempo li supreniris la monton Lushan kaj estis tute mirigita
de la tieaj pompe florantaj persikfloroj, dum tiuj che la montpiedo
jam velkis. Tute ravite, li skribis la poemon "La Florpado".
Chi
tie estas parko kun forcejo, kie kultivighas pli ol cent specioj
da floroj. Inter la plej eksterordinaraj specioj estas "Bonodoro
per Tusho", floro kiu ne eligas aromon. Sed tushinte ghiajn
foliojn, oni trovas la manojn parfumitaj. La "Jukarbo"
estas alia botanika kuriozajho. Ghi tremetas, kiam oni tiklas la
shelon per delikataj ektushoj.
Ne fore
de Guling, sur krutajho 1050 metrojn super la marnivelo, estas Kaverno
de Senmortulo, kie, lau legendo, L¨¹ Dongbin sin kulturis
kaj farighis unu el la Ok Senmortuloj, kiuj pavis sian bravecon
kaj kapablon de transigho de la maro. Trapasinte rondan shtonpordegon
proksime al la kaverno kaj malsuprenirinte shtonshtuparon, la vizitanto
venas al roko en formo de bufo. Apude staras sola pino, respektinda
pro sia profunda agho. Vojeto laulonge de la krutajho kondukas al
kaverno, kiu estas dudek metrojn alta, ok metrojn largha kaj sep
metrojn profunda. La supro de la kaverno estas konusforma kaj parto
de la roko similas manon. Tio chi estas "Mano de Budho".
Interne de Kaverno de Senmortulo la aero farighas pli malvarmeta,
kaj proksime al ghia plej malsupra punkto audighas la sono de akvo
gutanta el fendetoj de la kavernmuro. La akvo formas lageton, kiun
oni nomas "Unuguto-fonto". Dum dek jarcentoj la akvo gutadis
en la lageton, sed chi tiu neniam superbordighis. Ech nun same gutadas
la akvo. Se oni plenigas tason ghis la rando per tiu chi kristale
klara akvo, ghi ne elfluas. Monero metita sur la surfaco flosas.
Vizitantoj antau jarcentoj emociighinte surskribis versojn sur la
kavernmuroj:
El rokoj chiam fluas klara
fonto,
Tra l' jaroj akvo gutas en la monto.
Nuba
teo infuzita per tiu chi fontakvo gustas refreshige. Sidante apud
Kaverno de Senmortulo en la ombro de granda arbo, trinketante chi
tiun eliksiron de la monto Lushan, vi certe ravighas pro la stranga
roko, la shvebanta nubaro kaj la chiamverdaj arboj, inkluzive de
multaj sekvojoj, en chi tiu idilia montripozejo.
La
fruaj ellitighintoj sentas sin bone rekompencitaj de sunlevigho
che Hanpo-pasejo, kiu, situanta inter du pintoj mezvoje de montegho
en la sudorienta parto de la monto Lushan, superrigardas Poyang-lagon.
Al la nordoriento staras Montpintoj de Kvin Maljunuloj. Kiel la
nomo aludas, la montpintoj similas al kvin maljunuloj sidantaj shultre-che-shultre.
Chu ankau ili atendas la levighon de la suno? Kiam la nebuleto disighas,
Poyang-lago aperas en la frumatena lumo kiel spegulo. Iom post iom
la suno plue forigas la nebuleton kaj jhetas rughan brulon sur la
blankajn nubojn supre kaj la lagon malsupre. La rivero, la kampoj
kaj vilaghoj kaj Montpintoj de Kvin Maljunuloj banighas en brila
matenlumo.
Fine,
vi malsupreniras de la monto por spekti la multajn spektaklajn akvofalojn
de la monto Lushan. Yuyuan mughas tondre; kaj Yulian dancas, kiam
la akvo falas kiel blankaj perloj. Unu akvofalo kaskadas tra tri
gigantaj etapoj. Survoje al la montpinto Xiufeng en la sudorienta
parto de la monto Lushan, vi venas al Akvofalo Chevalvosto. Antau
vi levighas aro da montpintoj, inter kiuj estas ghemelaj pintoj
sinpushantaj al la chielo kiel paro da glavoj, kaj "incensujo",
kun nuboj kirlighantaj chirkaue kiel fumo. La akvo fluanta de supre
fendighas de la pintoj en du akvofalojn: la Granda Chevalvosto kaj
la Malgranda Chevalvosto. De fore la akvo falante kelkcent metrojn
havas aspekton de blindiga blanka silko pendanta de la krutajho.
|