Che
strato Anren de Shanhajo estas antikva ghardeno de Ming-dinastio
(1368-1644). Ghi estis privata ghardeno konstruita de prefekto Pan
Yunduan de Sichuan-provinco por donaci al la gepatroj.
Oni
laudas, ke la ghardeno estas la plej bela en la sudoriento de Chinio.
Kaj nun ghi estas historia restajho protektata de la shtato.
Enirante
en la pordon, oni unue vidas halon Sansui. Super ghia pordo estas
tabulo kun skribajho "Monta Arbaro en Urbo", kiu figure
priskribas la kvietan etoson de la ghardeno. Sed ekster la ghardeno
estas movoplenaj komercaj stratoj chiutage vizitataj de sennombraj
turistoj en- kaj eksterlandaj.
Post
la halo estas baseno kaj rokajho en alto de 12 metroj. Sur la supro
de la chirkaumuroj ornamas 5 drakoj kaj 2 el ili rigardas unu la
alian, penante kapti gigantan globon inter ili.
La interna
korto de la ghardeno estis konstruita en Qing-dinastio (1644-1911)
kaj okupas nur seponon da hektaro. Kvankam malgranda, ghi entenas
rokajhon, basenon, halon, kioskon, palafiton kaj teatrejon. Antau
la halo Yuhuatang staras kurioza shtono kun karesnomo "Delikata
jadajho". Ghi altas 3.3 metrojn kaj surhavas 72 truojn. Se
oni bruligas incenson malsupre de la shtono, fumo shvebas el chiuj
truoj. Se oni vershas akvon sur la shtonon, la akvo elfluas el chiuj
truoj. Oni diris, ke ghi estis kuriozajho antau 1000 jaroj.
|