La
monto Huangshan en Anhui-provinco de orienta Chinio estas unu el
la plej fame konataj vidindejoj en Chinio, renoma pro posedo de
chiuj mirindajhoj de monta pejzagho: spektaklaj rokaj montpintoj,
strangaformaj pinoj, kristale klaraj fontoj kaj maro de nuboj. Li
Bai, la china oka-jarcenta romantika poeto, komparis Huangshan kun
la ora hibisko.
Vojagho
tra Huangshan ghenerale bezonas plurajn tagojn. La unua halto eble
estas che la Hotelo Huangshan, tradicia palacstila konstruajho sur
deklivo de la apika Purpurnuba Monto en pozicio favora al rigardado
al la tuta chirkauajho. Kontrau la hotelo estas la arbarkovrita
Persikflora Monto, che kies piedo estas pavilono por rigardi akvofalon.
La Persikflora Rivereto fluas
antau la hotelo. Kiam estas la persikflora sezono, la aero plenighas
de bonodoro kaj persikfloraj petaloj forflosas kune kun la fluo
de la rivereto. Iom supre, la Persikflora Rivereto kunighas kun
la Cinabra Rivereto, kie, lau legendo, antau miloj da jaroj china
farmakologo Fu Qiugong preparis drogherbojn che la piedo de la Cinabra
Monto. La imperiestro Huangdi, amiko de Fu, helpis lin en la laboro,
sekve la monto ricevis la nomon Huangshan. Rompajhojn de pistujoj
por preparado de medikamento oni ankorau povas retrovi el la Cinabra
Rivereto.
Hotelo
Huangshan ofertas varmfontan banon, kiu estas havebla en lageto
apud la Persikflora rivereto. La fontakvo je 42¡ãC
elighas el fendetoj kaj senshanghe fluas po 48 tunoj hore en chia
vetero. Chi tiu akvo de la Cinabra Fonto estas same tauga kiel trinkakvo
kaj banakvo. Ghi entenas malgrandan kvanton da silikono, magnezio,
kalio kaj natriaj oksidoj, kio donas al la akvo kuracajn ecojn por
trakti reumatismon, hautmalsanojn kaj perturbojn de la digesta kaj
nerva sistemoj.
Ech
pli fascinaj estas la montpintoj de Huangshan. Oni diras: "Sen
atingi la Jadekranan Pavilonon, panorama vido de la monto ne eblas;
sen grimpi sur Pinton Tiandu (Chiela Chefurbo), vana estas via vojagho."
La
vojo supren donas multajn penvalorajn vidindajhojn. Rigardante norden
de monahhejo duonvoje, oni vidas sur la supro de Pinto Tiandu rokon,
kiu similas gigantan kokon kriantan kun etenditaj flugiloj. Suprenirante
lau shtonshtupoj inter du krutajhoj, oni vidas "Strion da Chielo"
superkape.
Apartan
mencion meritas du pinoj antau la Jadekrana Pavilono: la Gasto-salutanta
Pino kaj Adiaua Pino. La antaua kreskas el fendo en roko kun etenditaj
branchoj kvazau brakoj signantaj bonvenon al monto-grimpantoj. Ghi
estis la modelo por la grandega pentrajho "Gast-salutanta Pino"
en la Popola Halo en Pekino, antau kiu estas faritaj multaj fotoj
de chinaj gvidantoj kune kun eksterlandaj gastoj. Forirantojn adiauas
la Adiaua Pino, kies branchoj etendighas lau tiaokaza china tradicia
maniero.
Ju
pli apikaj la krutajhoj de Huangshan, des pli eksterordinaraj la
formoj de la pinoj kreskantaj el la rokfendoj. Kelkaj kreskas vertikale,
sed multaj horizontale kun la supro malsupren au en strangaj formoj.
La Jadekrana
Pavilono, 1680 metrojn super la marnivelo, estas konata kiel la
"Jada Ekrano de la Chielo". Ghi ofertas bonegan vidon
al la tuta monto. Se oni havas la okazon resti tie post pluvo, oni
spertas unikan spektaklon: amasoj da blankaj nuboj drivas malsupren,
dum pitoreskaj montpintoj, fantaziaj rokgrupoj kaj verdaj pinoj
estas envolvitaj en nebuleto tiel ke oni vidas nur iliajn suprojn.
La montpinto
Tiandu, kun alteco de 1810 metroj, estas rava. Antau 70 jaroj iu
vizitanto ne sukcesis atingi la pinton, kaj ghemante li skribis
la jenon:
"Se nur mi sur gruo
povus iun tagon flugi
Por la nubomaron super Pinto Tiandu vidi."
En
malnovaj tagoj la grimpado estis danghera, sed hodiau tio similas
nepenigan iradon kun shtonshtupoj metitaj au hakitaj lau la montvojo
kaj ferchenoj ambauflanke. De fore la tri-kilometra, mallargha vojeto
havas aspekton de shtupetaro pendanta de apikaj krutajhoj, kaj grimpantoj
sur la shtupetaro aspektas kiel diverskolora movighanta rubando
meze de nebulo kaj nuboj. La vojeto pli kaj pli mallarghighas proksime
al la pinto, tiel ke sur la fina parto oni devas grimpi anservice.
Oni ja bezonas kuraghon rigardi malsupren al la profundaj abismoj.
Proksime al la supro kushas rokkresto chirkau cent metrojn longa
sen ech unu arbo au herbo sur la surfaco. Oni diris, ke ghi aspektas
kiel fisho kun sia dorso super la akvo; tial ghi nomighis "La
Karpa Spino". Pli supre estas la pinto mem. Tie gravuritaj
sur la roko estas kvar chinaj vortoj, kiuj deklaras ghin "La
Plej Alta Punkto de la Montpinto".
Tio
tamen ne estas la plej alta punkto de la monto Huangshan. Tiun reputacion
ghuas la Lotusflora Montpinto 1860 metrojn super la marnivelo. Ghia
kresto memorigas pri lotusfloro disvolvighinta. Apude estas boatforma
roko dece nomata "La Boato por Kolektado de Lotussemoj".
Alia roko similas pavon kaj havas la nomon "La Pavo Ludanta
inter Lotusoj".
|