El ili Yunshan-vilagho kun historio de pli ol 600 jaroj estas la plej bone konservita. Ghi situas en valo inter montoj. Elautighinte, oni devas piediri longan vojon por atingi la vilaghon. Antau ghi staras arka pordego el gigantaj shtonoj. Ambauflanke de la pordego serpentumas shtonaj muroj altaj je 6 m, kun kreneloj. Longa strato kun largho de 5 m, pavimita el shtonoj, kondukas en la vilaghon. Apud la strato estas butikoj el shtonoj, kvadrataj kortoj kun shtonaj chirkaumuroj kaj ruinoj de scenejo kaj apoteko. Chie videblas shtonaj dombazoj, muroj, shtuparoj kaj shtonplataj fasadoj. La bone konservitaj pordoj kaj fenestroj kun belaj gravurajhoj enkorpigas la kombinon de la cheloka arkitekturo kun tiu de la regiono sude de Yangzi. La vilagho kun areo de pli ol 2 mil kvadrataj metroj havas 156 familiojn kun malpli ol 800 anoj. La chefstrato longas je 580 m kaj etendighas tra la tuta vilagho. Chiuj domoj interkomunikighas per shtonaj stratetoj. La vilagho havas 2 postajn pordojn kaj shtonajn murojn kun kreneloj. En chiuj gravaj lokoj de la vilagho trovighas gardejoj.