Kiam gefiloj de kamparanoj sukcese trapasis ekzamenon por eniri en universitaton kaj estas ekirontaj, iliaj gepatroj certe admonas ilin: "Lernu diligente. Post la lernado nepre restu en urbo kaj neniam revenu en la kamparon." Sennombraj kamparanoj laboregas por vivteni studentighintajn gefilojn kaj metas sur ilin grandan esperon. En Chinio la kamparanoj maltrankvilighas unue pro malsanigho kaj due pro sukceso de la gefiloj en enira ekzameno por supera lernejo. Tio estas bedaurinda fakto: Reformado dauris en Chinio jam pli ol 20 jarojn, kaj multe progresis la ekonomio de la shtato, sed la kamparanoj timas, ke iliaj infanoj sukcesos en enira ekzameno por supera lernejo.

Malricheco estas shlosila problemo

    Kamparanoj en la malrichaj lokoj arde deziras, ke iliaj infanoj povu shanghi sian sorton pere de lernado en supera lernejo, sed samtempe ili ankau timas, ke iliaj infanoj sukcesos en enira ekzameno por supera lernejo, char ili ne havas minimuman monon por vivteni studento-infanojn. Enketado raportis, ke en 2001 kamparanoj de Henan-provinco meznombre enspezis po 1985 juanojn, sed studento bezonas almenau 8000 juanojn en chiu jaro.

    Lau raporto de la eduka departemento de Chinio, la pago de studentoj konsistigas nur 20% de la tuta kosto pagata de la registaro por la studentoj. Sed la nuna pagigo al la studentoj de la kamparanaj familioj estas tro granda. Multaj lernantoj ne havas monon kaj devas forlasi la shancon eniri en superan lernejon. Se daure altighos lernopago, pli kaj pli multaj elstaraj lernantoj perdos la shancon lerni en supera lernejo. Tio estas maljusta por la lernantoj de la kamparo.

    La lernopago antau 5 jaroj estis multe malpli alta ol la nuna. Kaj tiam la studentoj de malrichaj familioj povis akiri stipendion kaj ili povis fini klerigadon de supera lernejo.

    Nun edukado en Chinio farighis industrio kaj pagigo al studentoj estas neshanghebla. Sed enspezo de kamparanoj kreskas ne rapide, dum lernopago kreskas senchese, tial ankorau multaj abiturientoj, kvankam elstaraj, perdos la shancon lerni en universitato. Tio estas maljusta por tiuj abiturientoj kaj malhelpos progreson de la china socio.

    Nun la china registaro donas grandan atenton al tiu problemo kauzita de malalta enspezo de kamparanoj. Nur kiam la kamparanoj havos kompare altan enspezon, ili povos pagi por siaj infanoj lernantaj en supera lernejo.

Shtata stipendio

    Por helpi malrichajn studentojn, Chinio establos shtatan stipendion. Chiujare la registaro asignos 200 milionojn da juanoj por helpi 60 mil malrichajn studentojn.

    Proparolanto de la eduka departemento diris, ke la stipendion ghuas elstaraj malrichaj studentoj kaj esplor-studentoj en la superaj lernejoj. Tio montras amon de la centra registaro al la vasta popolamaso kaj la studentoj de malrichaj familioj.

    Krom stipendio, studentoj de malrichaj familioj povas akiri ankau premian monon, pruntmonon, kontraulaboran pagon kaj monhelpon. Sendube tio malpezigos la sharghon de la malrichaj familioj en ilia vivtenado de infanoj lernantaj en supera lernejo.