En
la lastaj dekkelke da jaroj multaj fremdlandaj instruistoj instruas
en universitatoj kaj mezlernejoj de Chinio. Ili opinias, ke en Chinio
kun granda loghantaro la lernantoj estas peze sharghitaj pro malfacila
eniro en superan lernejon kaj malfacilo en akiro de laboro. Krome,
granda diferenco trovighas inter la tradicia eduka ideologio de
Chinio kaj tiu de la okcidentaj landoj, pro kio la chinaj lernantoj
havas sian propran metodon konforman al la lernado kaj medio.
Kio
estas la plej bona edukado? Trovighas malsamaj opinioj en malsamaj
landoj. En kontakto kun multaj chinaj lernantoj, la fremdlandaj
instruistoj audis kaj vidis multajn aferojn, kaj ili opinias, ke
trovighas sameco kaj diferenco inter la chinaj kaj alilandaj lernantoj.
En la orienta edukado trovighas io malghusta, sed la okcidenta ne
estas perfekta. Chinio superis multajn okcidentajn landojn en la
sinteno al edukado. En Okcidento multaj lernantoj opinias, ke akiri
sciojn estas ilia rajto. Sed en Chinio lernantoj estas volontemaj
en lernado. Se ili ne multe sukcesas en la lernado, ili kulpigas
sin mem.
Shati amikighi
kun instruistoj
Fremdlandaj
instruistoj trovis, ke same kiel lernantoj en aliaj landoj, la chinaj
lernantoj multe postulas de instruistoj. Chie oni shatas tiajn instruistojn,
kiuj laboras diligente, parolas sprite kaj scias multe. Samtempe
lernantoj ghojas, se la instruistoj favoras ilin au amikighas al
ili. Ili ne shatas la kursojn de tiaj instruistoj, kiuj sin tenas
serioze kaj ofte kritikas ilin. Fremdlandaj instruistoj trovis,
ke la chinaj instruistoj ghojas, se la lernantoj bone kunlaboras
kun ili, komprenas ilin kaj intershanghas opiniojn kun ili. Ankau
okcidentaj instruistoj shatas tiajn lernantojn, char ili havas bonan
psikan kvaliton kaj estas sanaj kaj komprenemaj. Sed plejparto de
la lernantoj estas naivaj, kaj la instruistoj devas la unuaj proksimighi
al ili kaj intershanghi opiniojn kun ili kaj plene kompreni ilin.
Sed la chinaj lernantoj maturighas pli frue ol la okcidentaj, kaj
multaj chinaj lernantoj pli bone komprenas la instruistojn. Ili
povas la unuaj amikighi al la instruistoj, krom se ili estas nefidindaj.
Akcenti
honoron
Multaj
fremdlandaj instruistoj opinias, ke la chinoj akcentas honoron,
kaj tio multe influas la gejunulojn en ilia konduto en lernejo.
La chinaj lernantoj tre akcentas honoron, kaj ankau la instruistoj
estas tiaj. Se iu lernanto sukcesas en enira ekzameno por supera
lernejo, oni opinias, ke li honoras sin kaj siajn familion, lernejon
kaj instruistojn. Por tia honoro la chinaj instruistoj shatas helpi
bonajn lernantojn farighi pli bonaj. Se iu lernanto lernas ne bone,
la instruistoj opinias, ke li lernas ne diligente, kaj tia takso
malbone influos lian memfidon. Multaj lernantoj opinias sin malsaghaj
au nediligentaj kaj sin kulpigas. Tio facile perdigos al ili memfidon
pri la vivo, eble ili opinios sin malsaghaj dum la tuta vivo kaj
nenion kuraghos provi. Tiaj lernantoj pli akcentas honoron kaj ne
kuraghas respondi demandon de la instruistoj, timante mokon de la
kamaradoj. Fremdlandaj instruistoj opinias, ke troa akcento de honoro
plej serioze influas la chinajn lernantojn en ghusta sinteno al
la scioj, kaj la lernantoj facile neglektos la forton de la scioj
kaj ekskluzive strebos al honoro pro altaj poentoj.
Intensa
konkuro
La
loghantaro de Chinio estas tro granda, kaj chie estas interpushighantaj
homamasoj. La grupoj en plejparto de la mezlernejoj havas chiu pli
ol 40 lernantojn, kaj la fremdlandaj instruistoj renkontas malfacilon
informighi, kio en la leciono interesas la lernantojn. Krome ili
ne havas tempon por interbabili kun la lernantoj por scii, chu ili
komprenas la lecionojn. Ili vidas intensan konkuron pro multeco
de lernantoj en grupo.
Influo de
ekzamena sistemo
Fremdlandaj
instruistoj opinias, ke en Chinio ekzistas "ekzamena kulturo".
Deantikve estas la kutimo, ke por esti super la aliaj, oni devas
trapasi ekzamenon. Oni vidas, ke en la nuna Chinio ankorau ekzistas
tia sistemo, ke la celo de la instruistoj ne estas helpi la lernantojn
disvolvi sian talenton, sed helpi ilin kiel eble plej glate trapasi
ekzamenon. Multaj chinoj opinias, ke la scioj akiritaj en la lernejo
estas sentaugaj, kaj ili bezonas lerni sciojn necesajn por la profesio
nur post enoficigho. Multaj lernantoj bedauras, ke ili ne havis
shancojn por partopreni en postlecionaj aktivadoj kaj socia praktiko
dum la lernado en la lernejo.
Tamen
fremdlandaj instruistoj trovis utilon de la ekzamena sistemo. Unuflanke,
la lernantoj vere povas akiri multe da scioj. Aliflanke, pro granda
nombro de lernantoj kaj nesuficha nombro de superaj lernejoj, partopreno
en la sama ekzameno estas la plej justa metodo por solvi la problemon.
Tiu sistemo estas konforma al la edukado kaj kulturo de Chinio.
|