La
6-an de novembro konstanta vicministro de la Ministerio de Sano
de Chinio faris paroladon en la pintkunveno pri chinaj entreprenoj
en la forumo de la monda ekonomio. Li diris, ke en la batalo kontrau
aideso, la china registaro intensigos sian laboron por preventi
kaj kuraci aideson kaj kategorie bremsos ghian disvastighon. Pro
tio ghi faris jenajn kvin promesojn:
Unue,
la china registaro prenos la laboron preventi kaj kuraci aideson
kiel sian gravan taskon kaj intensigos siajn kontrolon kaj ekzamenon
al ghi.
Due,
la china registaro senpage donos medikamentojn kontrau aideso al
chiuj suferantoj en la kamparo kaj tiuj malrichaj en la urboj, intensigos
konstruadon de la kuraca sistemo kontrau aideso kaj establos medicinajn
grupojn por preventi kaj kuraci ghin kaj levi la kuracan nivelon.
Trie,
la china registaro perfektigos leghojn kaj regulojn, intensigos
sian laboron kontrau dangheraj kondutoj, faros energian propagandon
kontrau aideso, proponos sanan seksan vivon en la loghkvartaloj
kaj oponas kontrau chiaj toksoj, por ke la popolamasoj levu sian
kapablon kontrau aideso.
Kvare,
la china registaro protektos la leghajn rajtojn kaj interesojn de
la aidesuloj kaj oponos kontrau la socia diskriminacio.
Kvine,
la china registaro disvolvos aktivan internacian kunlaboron por
intensigi la informan, teknikan kaj financan intershanghon kaj faros
chion eblan por bremsi disvastighon de la malsano kaj realigi la
celon bremsi ghin en la tuta mondo.
|