Respondeculo de la malsan-bremsa departemento de la China Ministerio de Sano diris antau nelonge en la internacia forumo pri prevento kaj kuraco de SARS, ke la reviziata legho pri prevento kaj kuraco de infektaj malsanoj havos novan artikolon pri senpaga kuraco de specialaj homgrupoj suferantaj de infektaj malsanoj, kaj oni donos la reviziajhon al la Konstanta Komitato de la Tutlanda Popola Kongreso antau marto de 2004 por aprobo.

    Li diris, ke fakte oni jam komencis senpagan kuracon de specialaj homgrupoj suferantaj de infektaj malsanoj, tamen pro manko de klara legha difino, ne chiuj observis la saman principon en la praktikado. Post la revizio tiu principo estos garantiata leghe. La china registaro difinos la specojn de la malsanoj kaj asignos la bezonatan monsumon.

    La nuna legho pri prevento kaj kuraco de infektaj malsanoj estis aprobita de la Konstanta Komitato de la Tutlanda Popola Kongreso en 1989. Ghi ja ludis grandan rolon en prevento kaj kuraco de SARS en la unua duono de 2003 kaj en la praktikado oni trovis iujn mankojn. Por garantii la kontinuecon kaj stabilecon de la legho pri prevento kaj kuraco de infektaj malsanoj estas necese leghigi la principon efikan en la praktikado.