La 1-an de januaro, 2004, la Ministerio de Sano de Chinio publikigis, ke jam komplete finkonstruighis la reta platformo pri informoj de la publika higieno en Chinio kaj oficiale ekfunkciis la reta sistemo de rekta raporto pri epidemia stato en Chinio.

    Tio signifas, ke chiuj kuracaj establoj de diversaj lokoj de Chinio povas rekte raporti la infektajn kazojn kaj subitajn komplikajhojn rilatajn la publikan higienon pere de la reto kaj dank' al tio la Ministerio de Sano kaj la China Centro de Prevento kaj Rego de Malsanoj povas ghustatempe ricevi la informojn kaj fari rapidan reagon.

    Printempe kaj somere de 2003 Chinion atakis SARS kaj tiam la china registaro decidis kiel eble plej rapide fondi urghan mekanismon kontrau subitaj komplikajhoj de la publika higieno kaj informan sistemon pri monitorado de la infektaj malsanoj, kiu kovros la plej malproksimajn kaj plej bazajn lokojn de la lando. Por tio la China Centro de Prevento kaj Rego de Malsanoj proponis konstrui retan platformon pri informoj de la publika higieno kaj la Ministerio de Sano ellaboris gheneralan planon por konstrui la informan sistemon, kiun oni komencis konstrui post nelonge.

    Post tio oni finis trejnadon de instruistoj el 31 provincoj pri prevento kaj monitorado de la malsanoj kaj plenumis konstruadon de la domo de la shtata datencentro kaj platformo de hardvaroj de la centro. La 22-an de decembro, 2003, plenumighis la projekto de la reguloj pri la administra teknologio kaj softvaroj de la reto destinataj por la sistemo.