La 9-an de decembro la Yangzi-a Bioscienc-teknologia Limigita Kompanio (Grupo) de Hongkong publikigis, ke kunlabore kun Pekino ghi akiris novan progreson en kuraco de aideso kaj nun ghi petas patenton de Usono pri siaj esploraj fruktoj. Por akceli la esploradon ghi daure kunlaboros kun Xiehe- kaj You'an-hospitaloj de Pekino en la esplorado, fondos specialan grupon kontrau aideso kaj asignos 370 milionojn da Hongkong-aj dolaroj.

    Respondeculoj de aides-sekcioj de Xiehe- kaj You'an-hospitaloj de Pekino diris, ke kunlabore kun la Hongkong-aj kolegoj ilia kuracado de aideso akiris ghojigan progreson post unu-jara esplorado. Per sia kuracado ili povas plibonigi la sanstaton de pli ol 80% de la enhospitalighintaj aidesuloj. Kaj plie tiu metodo estas utila por plibonigi la imunecon. Ili decidis daure kunlabori kun la Hongkong-aj kolegoj tiuflanke.