Korpulenteco ne nur malbeligas la homojn, sed ankau kauzas plurajn malsanojn kaj precipe kormalsanon. La sanigaj kaj malgrasigaj manghajhoj estas utilaj ne nur al malpliigo de kolesterolo kaj graso entenataj en la homa korpo, sed ankau efikaj por preventi kormalsanon.

Lakto

     Lakto estas nutroricha. Iuj miskomprenas, ke ghi estas grasiga, sed fakte ghi havas abundon da laktacido kaj kalcio, malhelpantaj kolesterolan sedimenton en sangvazoj kaj aktivon de kolesterola enzimigho kaj estighon de kolesterolo, tial lakto estas la plej bona saniga kaj malgrasiga manghajho. Matene, se oni trinkas lakton, tio estas utila por kuraci mallakson.

Vinbero

     Vinbero kaj vinbera suko, samkiel vino, estas speciala materio, utila por redukti kolesterolon kaj malhelpi kolektighon de trombocitoj. Vinbero estas unu el la plej bonaj manghajhoj por malsanuloj suferantaj de hiperlipido. Sed oni ne devas manghi tro, char lau la chin-medicina teorio vinberoj estas malvarmaj kaj laksigaj.

Pomo

     Pomo estas richa je pektino, celulozo kaj vitamino C. Se oni manghas du pomojn chiutage, post unu monato, la hipodensa lipoproteina kolesterolo, malutila al kardiovaskuloj, povas malmultighi en lia sango, dum la hiperdensa lipoproteina kolesterolo, utila al kardiovaskuloj, povas multighi. La provado montris, ke al 80% de la hipertensiuloj la kolesterolo malmultighas, se ili chiutage prenas pomojn.

Ajlo

     Ajlo, richa je sulfido, estas utila por redukti kolesterolon kaj malhelpi trombolozon. Ghi estas efika ankau por preventi enteriton. Se suferantoj de kronika enterito chiutage manghas ajlon, ili resanighos post du monatoj. Tamen atentu, tro da ajloj povas kauzi mallakson kaj krom tio ajlo estas malutila al la okuloj.

Cepo

     Cepo, richa je prostatino A, estas efika por dilati sangvazon kaj mallevi sangpremon. Ghi entenas ankau iom da sulfido kaj speciala amina acido, kiuj estas efikaj por malmultigi sang-lipidon, preventi arteriosklerozon. Ghi estas utila precipe al pli-ol-40-jaraj homoj.

Giromitro

     Giromitro estas efika por malmultigi kolesterolon kaj sang-lipidon, preventi kaj kuraci hipertension.

Vaksa kukurbo

     Lau la chin-medicina teorio vaksa kukurbo estas utila por urinado. Ghi estas utila ankau por forigi la superfluajn grason kaj akvon de la homa korpo kaj sekve ghi estas malgrasiga.

Karoto

     Karoto estas richa je kalcio de pektina acido, kiu, miksighinte kun gal-acido, ekskreciighas kun fekajho. Por estigi gal-acidon estas bezonata kolesterolo, tial manghi karoton estas utile por malmultigi kolesterolon en la homa sango.

Laminario

     Laminario entenas specialan acidon, utilan por redukti kolesterolon en la homa galo.

Aveno

     Aveno entenas specialan materion, utilan por elastigi sangvazon. Manghi avenon utilas por preventi kaj kuraci arteriosklerozon.

Maizo

     Maizo estas richa je kalcio, fosforo, seleno kaj vitamino E, kiuj estas utilaj por redukti kolesterolon. La indianoj de Ameriko ne suferas de hipertensio, nek de koronaria kormalsano. Oni atribuas tion chefe al maizo.

Ostro

     Ostro estas richa je zinko kaj acidoj utilaj por malkomponi kolesterolon kaj redukti sangan lipidon. Krome, estas utilaj por redukti lipidon ankau iuj freshaj legomoj, fruktoj kaj algoj richaj je celulozo, pektino kaj vitamino C, kiaj celerio, brasiko, kapsiko, krataga frukto, jujubo, orangho kaj spirulino (Spirulina).