En kuracejo por aidesuloj

    Antaue You'an-hospitalo de Pekino servis ekskluzive por suferantoj de infektaj malsanoj. En 1990 ghi akceptis aidesulon kaj post tio ghi instalis specialan kuracejon por aidesuloj.

    Iun malvarman posttagmezon mi venis al la hospitalo kaj eniris la izolitan kuracejon. En ghi mi vidis, ke chio estas neghblanka, chu muroj, chu litkovriloj, chu vestoj.

    La kuracejo konsistas el ses chambroj, chiu kun necesejo. Pri la kuracejo respondecas chefkuracistino Xu Lianzhi. Antau 40 jaroj shi ekokupis sin pri kuracado de infektaj malsanoj. Shi ghuas bonan reputacion pro kuraco de aideso. Kaj per sia bonkoreco kaj helpemo shi estas profunde amata de la pacientoj.

    Kiam mi estis en la kuracejo, du aidesuloj estis kuracataj. Mi vidis, ke iu marasma paciento en la chambro n-ro 1 aspektas vigla. Kun rideto li levighis kaj petis min sidighi. Apenau li malfermis la bushon, li detenis sian vochon kaj sur la vizagho legighis embaraso. Je la momento kuracistino Xu diris: "Rigardu, kiom grandan dispozicion s-ro Zhang havas? Sur la muroj pendas tiom belaj pejzaghoj!"

    Rigardante la kvar pentrajhojn sur la muroj, li denove ekridis, dirante: "Kushante en la lito, mi povas vidi ilin en chiu ajn direkto."

    Li ofte febris je pli ol 39 gradoj C kaj suferis de laksado. Kuracite de Xu, lia malsano mildighis, tamen li perdis apetiton. Por havigi al li la apetiton liaj kuracistoj kaj flegistinoj venigis nutradiston kaj iam mem preparis manghajhojn por li.

    "Feliche, mi havas bonajn kuracistojn kaj flegistinojn." Li menciis iliajn nomojn kaj kun emocio konigis pri ilia zorgema servo. Li estis entreprenisto. Antau tri jaroj li malsanighis je aideso pro eksteredzeca konduto. Tuj levighis riprochoj kontrau li. Oni ne plu respektis lin, sed laueble evitis lin. Liaj kolegoj riprochis lin, ke li malvirtighis kaj petis eksigi lin. Nelonge poste, ne povante elteni la spiritan baton, lia edzino subite mortis de kormalsano. Li plurfoje provis sin mortigi. Kiam liaj familianoj enhospitaligis lin, li diris al kuracistoj kaj flegistinoj, ke li volas nenion alian ol morti kiel eble plej baldau. La kuracistoj kaj flegistinoj tagnokte flegis lin, dirante al li foje-refoje: "Bone efikas sur aidesulojn la kunmiksitajha terapio populare uzata internacie kaj chinaj medikamentoj. Aideso ne signifas morton." Fine rideto denove ludis sur lia vizagho. Li diris: "Post la malsanigho miaj gepatroj multe flegis min, sed postulis, ke mi mem purigu mian manghilaron. Post mia enhospitaligho flegistinoj servas al mi en tio." Elirinte el lia chambro, kuracistino Xu mallaute diris: "La aidesuloj estas pli feblaj kaj pli sentemaj ol aliaj malsanuloj, kaj ni devas fari laueble pli multe por ili, ke ili sentu sin kiel hejme."

    Antauvespere de mia vizito tie okazis amuzkunveno. La kuracistoj kaj flegistinoj regalis la pacientojn per bombonoj kaj bakitaj akvomelonaj semoj. Kuracistino Xu kantis la unua por ili, ke Xiao Meng, sidante apud shi, ekploris de emocio. Shi diris, ke la kuracejo estas shia hejmo kaj kuracistino Xu -- shia panjo.