China sciencisto profesoro Gong Xiaohua kaj la de li gvidata laboratorio malkovris la teorion, kial gena mutacio kauzas katarakton, kaj akiris gravan frukton en sercho de la heredaj faktoroj, malhelpantaj tiun mutacion.

    Gong Xiaohua, kiu diplomitighis el la Shanhaja Medicina Universitato, veturis al Usono antau 11 jaroj kaj doktorighis en Scripps-Instituto per brilaj sukcesoj. Li, kiel la unua sciencisto de la gena laboratorio de la instituto, estas taskita per studo de 2 gravaj projektoj de usona fonduso.

    Kun la homa maljunigho de la tuta mondo la prevento kaj kuraco de katarakto estas pli kaj pli atentataj de la publiko. Nun estas multe pagiga operacio pro katarakto, kiu iom post iom blindigas la malsanulojn pro malklarigho de la kristalino malantau la pupilo. "Nia esplorado ja celas koni kauzon de malsanigho pro gena mutacio kaj trovi efikan medikamenton por kuraci ghin," li diris.

    Gong diris ankau: "En la batalo por kompleta venko super katarakto nia esplorado jam eniris en la finan stadion."

.