En la okcidentaj evoluintaj landoj la tradicia china medicino kaj chinaj medikamentoj estas pli kaj pli shatataj.

    Brita universitato faris enketon al 1204 plenkreskuloj, el kiuj 20% estis kuracitaj per china akupunkturo kaj mokso kaj prenis chin-medicinajn pladojn en la pasintaj 12 monatoj.

    Tiuj, kiuj estis kuracitaj per china medicino, ghenerale estis junaj kaj bonedukitaj. Ili vizitis chin-medicinajn kuracistojn kaj prenis chinajn drogojn au pro scivolemo au rekomendite de aliaj kuracistoj, au por provo de nova kuracmetodo.

    Kun plimultigho de pacientoj shatantaj chinan medicinon, kreskas la nombro de chin-medicinaj kuracistoj. Antau 20 jaroj en Britio estis nur 13.5 mil kuracistoj, kiuj okupis sin pri medicino kaj i.a. pri tradicia china medicino, sed nun la nombro superis 40 mil.

    Kvankam akupunkturo kaj mokso estis aprobitaj internacie antau longe, tamen multaj europaj kaj amerikaj landoj sin tenis serioze je tiu terapio. Antau kelkaj jaroj per chin-medicina terapio oni sukcese kuracis ekzemon, oftan malsanon en Britio. Tiu informo elektris la europan medicinistan rondon. Nun Britio jam malstrechis la limigon al entreprenado de chin-medicina kliniko kaj multaj europaj landoj permesas vendi ekstraktajhon el chinaj drogoj. Antau 30 jaroj Usono ne permesis akupunkturon kaj mokson, sed nun tiu antikva terapio estas vaste praktikata.

    Usonanoj ghenerale opinias, ke la modernaj medikamentoj plejparte estas kemiaj, kaj ili malutilas al la homa sano, se oni ofte uzas ilin. Oni faris enketon al 185 homoj en Havajio, el kiuj pli ol 80% prenis chinan drogon kaj opinias, ke la drogoj estas efikaj por la kuracado kaj kun tre malmulte da malutilo kaj plie ili estas ne tre pagigaj. Multaj kanceruloj, artrituloj kaj suferantoj de kardiovaskula perturbo shatas la chin-medicinan terapion.

    Usono, Germanio kaj Britio establis specialajn institutojn de china medicino kaj chinaj drogoj kaj donas lecionon de china medicino en iuj universitatoj. Iu brita universitato invitis profesoron el Pekino por instrui chinan medicinon. La universitato postulis, ke la studentoj lernu ne nur la chinan medicinon, sed ankau la chinan komunan parolan lingvon putonghua por ke uzi la lernitajn sciojn en la klinika praktikado.

    Pluraj eksterlandaj fakuloj opinias, ke oni devas kombini la modernan okcidentan medicinon kun la china por fondi novan kuracan sistemon kaj fari penadon por venki la malfacilajhojn en la china medicino, trovi facilan klarigon pri ghia kurac-efiko surbaze de la moderna patologio kaj eviti misuzadon de la drogoj.