La doktrino pri ghingluo-o estas nedisigebla de tiu pri la viscera stato. Lau la china medicino ghingluo-oj estas vojoj, tra kiuj cirkulas la vitala energio en la homa korpo kaj kiuj interligas internajn organojn, membrojn kaj la kvin sensorganojn. Estas du specoj de ghingluo-oj: Chefaj vojoj kaj branchoj. La ghing-vojoj inkluzivas 12 chefajn vojojn kaj 8 ekstrajn vojojn; la luo-vojoj kiel reto dislokighas tutkorpe, el kiuj la gravaj nombras 15. Ili estas branchoj de ghingluo-sistemo. Se oni komparas la internajn organojn kun fervojaj centroj, do la ghing-vojoj estas chefaj linioj, la luo-vojoj estas branchoj kaj la akupunkturaj punktoj estas la stacioj.

    La 12 chefaj ghing-vojoj estas tiuj rekte interligantaj la homkorpan surfacon kaj la intenajn organojn. Ili ricevis sian nomon de la chefaj korpopartoj trapasitaj de la chefaj ghing-vojoj surbaze de la doktrino pri jin kaj jang. La ses ghing-vojoj en la manoj nomighas manaj sanjang (tri jang-oj) kaj sanjin (tri jin-oj) kaj la ses ghing-vojoj en la piedoj nomighas piedaj sanjang kaj sanjin. Chiu ghingluo-o trapasas difinitan parton de difinita interna organo kaj difinitan parton de la homkorpa surfaco. Ghenerale, la manaj sanjang komencighas de la manoj kaj finighas che la kapo; la manaj sanjin komencighas de la brusto kaj finighas che la piedoj kaj la piedaj sanjin komencighas de la piedoj kaj finighas che la abdomeno. La diagnozo de la china medicino al la simptomoj kaj reakcio de la korpo-partoj trapasitaj de ghingluo-o estas originala. En kuracado oni pliatentas ghingluo-on. Estas malpermesite apliki sendolorigilon sendistinge al paciento de kapdoloro, sed necesas ekzameni iajn ghingluo-ojn por trovi la kauzon de la malsano. Lau la doktrino pri ghingluo-oj, la frunto ligighas kun stomakaj ghing-vojoj kaj la verto ligighas kun hepataj ghing-vojoj. Iu suferanto de frunta doloro prenis sendolorigilon dum unu semajno, sed la malsano pligravighis. Lau la fetora furzo de la paciento, kuracisto de china medicino diagnozis, ke lia malsano estas kauzita de stomakaj ghing-vojoj, kaj preskribis al li recepton por elimini la stomakan fajron kaj faciligi fekadon. Post preno de la dekoktajho la paciento rapide resanighis.

    La supre dirita teorio estas nemankigebla por direkti la kuracistojn de china medicino en ilia kuracado. Oni gheneraligas ghian gravecon jene: La kuracistoj de china medicino certe faras eraron en sia kuracado, se ili ne konas la doktrinojn pri jin kaj jang, la kvin elementoj, viscera stato kaj ghingluo-o.

Revenu