La
tradicia china medicino emfazas la diagnozon kaj kuracadon lau simptomoj.
Tio signifas, ke por kuraci malsanon oni devas unue analizi, distingi
kaj koni simptomojn kaj poste alpreni taugajn kurac-metodojn surbaze
de la diagnozo. Simptomo estas ghenerala manifestigho de patogena
kauzo kaj reakcio de la korpo al malsano. Che malsanuloj en malsamaj
sanstatoj, aghoj kaj medioj montrighas malsamaj simptomoj de sama
malsano kaj povas montrighi ankau samaj simptomoj de malsamaj malsanoj
en ilia evoluo. Tial oni devas alpreni malsamajn kurac-metodojn
por sama malsano kun malsamaj simptomoj, sed oni povas alpreni saman
kurac-metodon por malsamaj malsanoj. Tio estas la kuraca principo
de la tradicia china medicino "malsamaj kurac-metodoj por sama
malsano kaj sama kurac-metodo por malsamaj malsanoj."
La kuraca principo de la china tradicia
medicino estas grava konsistiga parto de la baza teorio de la tradicia
china medicino kaj servas kiel ponto inter la baza teorio kaj klinika
praktiko. Ghi ne nur intime rilatas kun diagnozo kaj kuracado lau
simptomoj, sed ankau havas sian propran leghon. En longtempa praktiko
chin-medicinaj kuracistoj resumis kompleton da kurac-metodoj. Nun
ni konigas al niaj legantoj kelkajn el ili.
Kuracado
kun la homa organismo kiel tuto
En
kuracado patogena kauzo trovenda
Malsamaj kuracmetodoj por sama malsano
kaj sama kurac-metodo por malsamaj malsanoj
Aliaj specialaj metodoj
I.
Kuracado kun la homa organismo kiel tuto
Chin-medicinaj kuracistoj ne kuracas sole
malsanan korpoparton, sed faras kuracadon lau la principo preni
la homan organismon kiel tuton.
Lau ili, la homa korpo estas organismo kun
visceroj interne kaj hauto, haroj, muskoloj, okuloj, oreloj, busho
kaj nazo ekstere. Ili estas interligitaj de ghingluo-oj, kaj dank'
al tio ili tenas normalajn fiziologiajn funkciojn. Se iu parto malsanighas,
tio influas la tutan korpon. Tial, dum kuracado oni ne devas ignori
la malsanan parton, sed, pli grave, doni atenton al la tuta korpo.
Kiam iu suferas obstrukcan vaskulariton, la simptomo vidighas che
liaj piedoj. Liaj piedfingroj unue ricevas doloron kaj poste nekrozighas,
ulcerighas kaj ech defalas. Se oni fortranchas parte la nekrozitajn
fingropintojn, la malsano plu gravighas. Chin-medicinaj kuracistoj
opinias, ke al la suferanto de obstrukca vaskularito mankas jang-energio,
kaj lia sango-cirkulado estas ne glata kaj fine obstrukcita. Tial
chin-medicina kuracisto donas al li medikamenton por varmigi lian
jang-energion kaj vigligi lian sang-cirkuladon. Tio povas resanigi
multajn pacientojn, kies membrojn oni decidis fortranchi.
II. En kuracado
patogena kauzo trovenda
En kuracado oni devas trovi pere de simptomoj
la patogenan kauzon kaj reakcion de la malsano en la homa korpo.
Che chin-medicinaj kuracistoj estas la termino "fenomeno kaj
esenco", kies signifoj estas variaj kaj kies nocioj -- relativaj.
Ekz., la patogena kauzo estas esenco kaj la simptomoj -- fenomeno;
koncerne malsanan parton, la malsano interne de la korpo estas esenco
kaj tiu ekstere -- fenomeno; kaj koncerne la tempon de malsanigho,
la antaua au malnova malsano estas esenco kaj la posta au nova malsano
-- fenomeno. Evidente, per la termino "fenomeno kaj esenco"
chin-medicinaj kuracistoj distingas en diagnozo la chefan kaj akcesoran
partojn, gravecon kaj negravecon de la malsano, antau ol ellabori
principojn kaj metodojn de kuracado.
Ghenerale, estas tri metodoj por kuraci
la esencan kaj fenomenan malsanojn: (A) Oni unue kuracas la esencan
malsanon kaj poste la fenomenan. Ekz., pluraj medikamentoj kontrau
hautmalsano ne efikas sur iujn suferantojn de ekzemo. Post ekzameno
oni trovis, ke la malsano estas kauzita plejofte de dispepsio. Tiam
oni devas unue kuraci la esencan malsanon per lienstomak-saniga
kaj malsekec-foriga medikamentoj, antau kuracado de la ekstera ekzemo.
Kaj la metodo bone efikas. (B) Se la malsano estas akuta, tiam oni
devas unue kuraci la fenomenan. Se ghi estas kronika, oni devas
unue kuraci la esencan. Se la malsano abrupte gravighas, oni devas
unue preni la fenomenan kiel la chefan kaj trakti ghin unue por
ne prokrasti la malsanon kaj gardi la vivon de la malsanulo. Ekzemple,
shoko okazas al suferanto de frakturo. La frakturo estas esenca
malsano kaj la shoko estas fenomena, tamen la lasta endangherigas
la vivon. Oni devas antau chio savi la malsanulon el la shoko kaj
poste kuraci la frakturon. Kompreneble, la kurac-metodo estas uzata
portempe. Kaj oni devas kuraci la esencan malsanon, post kiam la
fenomena mildighas. Oni ne devas kuraci nur la esencan au fenomenan,
sed ambau samtempe, kiam la esenca kaj fenomena malsanoj estas samtempe
gravaj.
III. Malsamaj
kuracmetodoj por sama malsano kaj sama kurac-metodo por malsamaj
malsanoj
Malsamaj kurac-metodoj estas aplikataj al
sama malsano tiam, kiam sama malsano prezentas malsamajn simptomojn.
Ekz., astmo iafoje prezentas simptomo-komplekson de eksceso, iafoje
simptomo-komplekson de nesuficheco, iafoje malvarman simptomon kaj
iafoje varman. Nature, oni devas apliki malsamajn kurac-metodojn.
Ech por sama malsanulo oni devas apliki malsamajn kurac-metodojn
pro la shanghigho en malsamaj sezonoj. En la lastaj jaroj tiu metodo
bone efikis por kuraci hepatiton kaj koronarian kormalsanon.
Sama kurac-metodo estas aplikata al malsamaj
malsanoj tiam, kiam malsamaj malsanoj prezentas samajn simptomojn.
Iu veterana chin-medicina kuracisto kuracis tri malsanulojn. Iun
el ili forte doloris la kapo kaj sendolorigilo ne efikis sur lin.
Alia suferis sendormecon dekkelkajn tagojn kaj dormigilo estis senefika
por li. La tria suferis astmon kaj ne ricevis efikon post preno
de astmo-kvietigilo. Tamen ili havis samajn
simptomojn, kiaj konstipo dum pluraj tagoj, saburo flava, dika kaj
seka kaj varmo akumulita kaj stagnanta en la stomako kaj intesto.
La kuracisto donis al ili saman laksigan medikamenton. Post preno
de la medikamento ili facile fekis kaj ne plu suferas kapdoloron,
sendormecon kaj astmon.
IV. Aliaj
specialaj metodoj
Krom la fundamentaj kurac-metodoj de la
tradicia china medicino, kiuj enkorpigas la tutecon kaj principecon
de la chin-medicina diagnozo, estas ankau multaj specialaj kurac-metodoj,
kiuj ludas pozitivan rolon en klinika praktiko.
En la vivo povas okazi, ke kiam oni vershas
akvon el krucho kun kovrilo firme fermita, la akvo ne estas facile
ellasebla. Se oni estas iomete malferminta la kovrilon, la akvo
facile ellasighas. Chin-medicinaj kuracistoj estas lertaj apliki
inspiron de la chiutaga vivo al la direktado de klinika praktiko.
Edifitaj de la fenomeno, chin-medicinaj kuracistoj trovis vojon
por kuraci edemon.
Ghenerale, chin-medicinaj kuracistoj uzas
diurezigajn drogherbojn por kuraci edemon. Sed tio ne bone efikas
sur gravajn edemulojn. Se oni rigardas la korpon de edemo-suferanto
kiel "kruchon" kaj lian uretron kiel "krucho-busho",
do liaj pulmoj estas kvazau "kovrilo" de la supra parto
de la korpo. Tiam chin-medicinaj kuracistoj donas preskribon por
vigligi lian pulman funkcion kaj shvitigi lian tutan korpon por
malfermi la "kovrilon". Dank' al tio, la suferanto povas
facile urini kaj resanighi. Chin-medicinaj kuracistoj humure nomas
tiun kurac-metodon "preni kruchon por malfermi ghian kovrilon".
Lau la vidpunkto de la moderna patologio kaj fiziologio, diurezigado
celas pliigi la urin-ellasan kvanton de la urina sistemo kaj lakso
apartenas al la afekcio de la dika intesto. Ili estas tute malsamaj.
Tamen chin-medicinaj kuracistoj ofte uzas diurezigan metodon por
kuraci lakson, opiniante, ke lakso estas kauzita de pluraj faktoroj,
tamen en kliniko lakso plejparte estas kauzita de troa patologia
malsekeco en la korpo. Malsekeco estas fiziologia kaj patologia
termino propra al la tradicia china medicino. Ghia normala fiziologia
funkcio estas malsekigi chiujn organojn de la korpo, sed troa malsekeco
kauzas diversajn malsanojn. Se ghi estas en muskolo kaj hauto, do
estighos edemo; se ghi estas en la pulmoj, do estighos tuso, kaj
se ghi estas en la dika intesto, do estighos lakso. Se oni uzas
diurezigan medikamenton por forigi la malsekecon en la dika intesto,
la lakso estos chesigita.
Kaj krome, chin-medicinaj kuracistoj ofte
aplikas aliajn kurac-metodojn, ekz., por malsano en la supra korpoparto
oni kuracas la malsupran, kaj por malsano en la malsupra korpoparto
oni kuracas la supran; oni somere kuracas malsanon kauzitan en vintro
kaj vintre kuracas malsanon kauzitan en somero.
Estas ekzemplo de kuracado de la malsupra
korpoparto por malsano en la supra korpoparto. Astmo trovighas en
la trakeo kaj pulmoj. Post atenta observado oni trovis, ke la malsano
atakas au gravighas en la tempo, kiam la malsanulo sate manghas
au suferas dispepsion au konstipon. Ne bone efikas nura astmo-kvietigilo
kontrau tia astmo. Chin-medicinaj kuracistoj aplikas tre efikan
kurac-metodon faciligi fekadon.
Suferanto de rektumo-ptozo havas malsanon
en la malsupra korpoparto. Por kuraci ghin, chin-medicinaj kuracistoj
plejofte pikas per kuraca pinglo la akupunkturan punkton bajhuj
sur la verto por ricevi bonan efikon.
Iuj maljunaj suferantoj de trakeito ofte
en vintro sentas sin malbone. Chin-medicinaj kuracistoj opinias,
ke al la maljunuloj mankas vitala energio, precipe en vintro al
ili serioze mankas vitala energio. Tio estas ilia patogena kauzo.
Tiaokaze, chin-medicinaj kuracistoj donas al ili ofte en somero
medikamenton tonikan por vitala energio, faras al ili artemizian
mokson au algluas al ilia korpo plastrojn. Tio povas malgravigi
ilian trakeiton en vitro kaj ech resanigi ilin.
En somero iuj homoj suferas malfortan febron,
malfortecon, soifon kaj malkvieton.
Chin-medicinaj kuracistoj opinias, ke tio estas simptomo de malforta
jin-energio. Por reguligi la ekvilibron de jin- kaj jang-energioj,
preventi kaj kuraci febron somere, chin-medicinaj kuracistoj proponas,
ke la suferantoj prenu vintre medikamenton tonikan por jin-energio.
Unuvorte, la kuracaj principoj kaj kurac-metodoj
de la tradicia china medicino estas rigoraj kaj flekseblaj, tamen
ili chiuj observas ghian bazan teorion. Tial la eminentaj chin-medicinaj
kuracistoj devas havi multajn solidajn sciojn pri la baza teorio
kaj flekseblan kaj viglan penson en klinika kuracado, nur tiaj kuracistoj
povas apliki plej efikajn kurac-metodojn kaj akiri plej bonan kurac-efikon.
|