Kvin gustoj signifas gustojn pikan, salan, acidan, amaran kaj dolchan de chinaj medicinajhoj. Krome, ankau iuj medicinajhoj sen klara gusto estas rigardataj kiel dolchaj. Lau la doktrino pri jin kaj jang, pika kaj dolcha gustoj apartenas al jang, dum acida, amara kaj sala gustoj al jin, chiu kun sia aparta efiko.

    La medicinajhoj kun pika gusto efikas por forigi eksterpatogenajn faktorojn atakantajn la homan eksterajhon, reumatismon, vigligi vitalan energion kaj sangocirkuladon, solvi cervikan tuberkulozan limfan nodon kaj stagnajhon formitan de patogenaj faktoroj. Mento kaj efedro estas ofte uzataj en kuracado de malvarmumo, ligustiko (Ligusticum wallishii) kaj lapa sausureo estas uzataj por kuraci sangokoagulon kaj stagnadon de vitala energio. La medicinajhoj kun dolcha gusto estas tonikaj kaj mildigaj de malsanoj. Ili estas ofte uzataj por kuraci astenian malsanon. Ekz., astragalo estas tonika al vitala energio kaj preparita rehmannio (Rehmannia glutionsa) estas tonika al sango. La medicinajhoj kun malforta gusto, kiel koiksa semo kaj porofungo (Poric cocos), estas ofte uzataj por forigi malsekecon en la korpo kaj urinigi. La acidaj medicinajhoj estas adstringaj kaj retenemaj je sango kaj vitala energio. La amaraj medicinajhoj povas forigi febron, patogenan manifestighon de interna varmo kaj humidecon en la korpo kaj tiuj salaj povas solvi stagnajhon kaj laksetigi.

    La chinmedicinaj registroj pri gusto de chiu medicinajho venis de gustumado kaj analizado pri ghia klinika efiko. Iuj medicinajhoj havas pli ol unu guston, ekz., cinamo estas pika kaj dolcha, skrofulario amara kaj sala kaj efedro pika kaj amara. Ankau iliaj efikoj estas komplikaj.

    Chiu china medicinajho havas sian econ kaj guston, tial la chinmedicinaj kuracistoj devas fari sintezan konsideron pri preskribo. Zingibro estas pika, astragalo dolcha, shelo de oficinala magnolio amara, skizandro acida kaj juna cervokorno sala. Ili chiuj estas varmetaj kaj havas malsamajn gustojn, tial ankau iliaj funkcioj estas diferencaj.

Revenu