La china farmakologio atentigas ankau pri kunarangho kaj malpermeso de chinaj medicinajhoj. Ghi postulas, ke la chin-medicinaj kuracistoj bone kunaranghu drogherbojn de pli ol du specoj por akordigi iliajn ecojn kaj plifortigi la efikon. Samtempe, oni devas distingi la chinajn medicinajhojn netaugajn en kuna uzo de unu preskribo.

    Estas kvin kunaranghaj manieroj de chinaj medicinajhoj: Unuopa efiko (dozo el unu drogherbo), reciproka intensigo (dozo el duspecaj drogherboj efike interligitaj por pliigi la efikon), reciproka akordigo (dozo el duspecaj drogherboj efike interligitaj por akordigi la efikon), reciproka regado (dozo el plurspecaj drogherboj, inter kiuj unu limigas venenon au fortecon de alia) kaj reciproka eliminado (unu medicinajho de la dozo eliminas la venenan reakcion de la alia). Estas du malpermesoj en la kunarangho de chinaj medicinajhoj: reciproka malpliigo (unu medicinajho malfortigas au retenas la efikon de la alia) kaj reciproka pliigo de veneno (duspecaj drogherboj en kuna uzo naskas fortan venenon au malbonan reakcion). La chin-medicinaj kuracistoj de diversaj dinastioj resumis multe da drogherbo-paroj en sia praktiko de kunarangho.

Revenu