Historio
de Tongrentang
Tongrentang
estas unu el la plej malnovaj apotekoj en Pekino. Ghi fondighis
en 1669, kaj la fondinto Yue Zunyu iam servis en la kortego, kaj
pro tio estis oportune por li kolekti multajn antikvajn receptojn
kaj tiujn aplikatajn che la kortego kaj popolo. Lia apoteko Tongrentang
estis privilegiita je liverado de medikamentoj al la kortega apoteko,
kaj poste je preparo de medikamentoj por la imperiestra familio.
Famaj
medikamentoj de Tongrentang
En
la pasintaj pli ol 300 jaroj, la apoteko ghuis famon per preparado
de diversaj piloloj, kuracpulvoroj, plastroj kaj granoloj. Inter
ghiaj pli ol 400 specoj de medikamentoj la plej famaj estas la piloloj
Angongniuhuang, Suhesjiang kaj Zaizao, Tigrosta Vino k.a..
La
tradicia pilolo Angongniuhuang de Tongrentang havas historion de
pli ol 200 jaroj. La ingrediencoj de la pilolo estas tre multekostaj
rinocera korno, mosko, perlo k.s. La pilolo efikas kontrau febro,
komato, delirado, konvulsio kaj aliaj malsanoj. Estas malsanulo,
kiu febris svene 14 tagojn pro infektigho de vundo. Sed kiam li
prenis la pilolon Angongniuhuang, tuj malaperis la febro.
Same
fama estas la pilolo Ughibaifeng kontrau virinaj malsanoj. La chefa
ingredienco estas blankfeniksa koko. Tia koko surhavas neghe blankan
plumaron tamen karbe nigrajn hauton kaj karnon.
La
pilolo Ughibaifeng estas farita ghuste el la karno kaj osto de tia
koko, ginsengo, angeliko, cervokorna gelateno kaj aliaj multekostaj
drogoj.
En
antikva libro estas notite, ke en Tang-dinastio (618-907) jam aperis
la pilolo Baifeng, kiun oni opiniis panacea por virinaj malsanoj.
En Qing-dinastio (1644-1911), surbaze de la sperto akumulita de
antauuloj, la kortega hospitalo reviziis la recepton de la pilolo
Baifeng, kaj difinis la preparadon al Tongrentang. La pilolo estis
liverata ekskluzive al la patrino, edzino kaj kromedzinoj de imperiestro.
En
1981 oni hazarde trovis en la antaua kortega apoteko de la Imperiestra
Palaco du pilolojn, kiujn postlasis la imperiestra patrino Cixi
antau pli ol 100 jaroj. La blanka vaksa globeto de pilolo konservata
en brokata skatoleto aspektas kiel delikata trezoro. Maltegite,
la piloloj estas brilaj, forte bonodorantaj kaj ankorau efikaj kontrau
malsanoj.
Ginsengo,
kiel regho de la drogherboj, chiam estas rigardata de chinaj medicinistoj
kiel la plej tonika drogo. La fama antikva farmakologo Li Shizhen
(1518-1593) alte taksis ginsengon en sia verko "Bencao Gangmu",
ke ginsengo fortigas la internajhojn, kvietigas palpitaciojn, akrigas
la vidadon kaj refreshigas la memoron.
Tongrentang
vendas diversspecajn bonkvalitajn ginsengojn. Iuj sovaghaj ginsengoj
kostas mil juanojn por chiu gramo, sed iuj kulturataj nur kelke
da juanoj. Chiujare la apoteko sendas spertajn farmaciistojn al
la Nordoriento de Chinio por acheti ginsengojn kaj poste prilaboras
ilin.
La
tigro estas kruela rabobesto, tamen ghia osto estas altvalora drogo.
Vino-macerajho de tigra osto bone efikas kontrau artralgio.
La
vino-macerajho de tigra osto de Tongrentang estas preparita el pli
ol 140 specoj da drogoj kaj tra ch. 50 procedoj. Post kelkjara konservado
la koloro kaj gusto de la vino farighas tre agrablaj. La vino bone
efikas kontrau paralizigho de la membroj, doloro je la talio kaj
piedoj kaj lezo. La vino estis premiita en 1924 en la Lepsika Foiro.
Krom
tio, Tongrentang produktas ankau aliajn salubrajn vinojn, ekz. Guogong
k.a.
La
medikamentoj de Tongrentang ghuas renomon unue pro ghiaj apartaj
receptoj. Krom antikvaj kaj popolaj, Tongrentang havas ankau receptojn
el la kortego skribitajn de eminentaj kuracistoj.
Cetere
la drogoj uzataj de Tongrentang estas kvalite garantiataj kaj zorgeme
elektitaj en la produktejoj de la drogoj. La prilaborado estas rigore
kontrolata.
Preparado
de medikamentoj de Tongrentang
La
preparado de medikamentoj de Tongrentang estas tre delikata kaj
serioza. Ekzemple, dum preparado de kontraufebra medikamento pulvoro
Zixue, oni devas meti oron en poton de shtonecaj drogoj kaj ilin
dekokti, por ke la elemento de oro miksighu kun la drogoj. Cetere
la apoteko dufoje kribras la pulvoron per tre densa kribrilo, por
ke chiu pilolo enhavu egalan kvanton da ingrediencoj.
Tongrentang
rigore observas la tradician manieron en preparado de medikamento,
kaj samtempe plurfoje reviziis la receptojn kaj specojn, akcentis
la farmacian studon, reformis la malnovajn instrumentojn, mekanizis
au duonmekanizis multajn procedojn en produktado. Dank' al tio,
altighis la kvalito kaj kvanto de medikamentoj, kaj senchese kreighas
novaj specoj de medikamentoj.
Tongrentang
konsistas el medikament-preparejo, ekstraktejo, vinfarejo kaj vendejo
kun pli ol 2 mil laboristoj kaj oficistoj. Dank' al sia racia administrado
kaj kontentiga servado, Tongrentang allogas al si sennombrajn klientojn
chinajn kaj alilandajn.
|