Antikvaj chinaj medicinistoj trovis pli ol 660 akupunkturajn kaj moksajn punktojn sur homa korpo. Pingla enpikado kaj kauterizo sur tiuj punktoj povas veki ian reakcion de aliaj korpaj partoj au organoj kaj naski kuracan efikon. Jen tradiciaj akupunktura kaj moksa terapioj de Chinio nun aplikataj.

    Surbaze de la antikvaj akupunkturo kaj mokso aperis multaj novaj terapioj. Ekzemple:

    Elektrapingla terapio: Enpikinte pinglon en certan korpan punkton, manipulanto provizu la pinglan tenilon per konvena kurento. La kurenta tensio kaj la elektriza tempo malsamas lau malsamaj malsanoj. La terapio per elektrapingla au fizioterapia aparato estas sekura.

    Likva injektado: Injekti en certan korpan punkton certan dozon da fiziologia salakvo au injekta akvo au kemia injektajho por intensigi la eksciton. Ekzemple, injektado de 1-5 miligramoj da dolantino en certan korpan punkton faras efikon egalan che injektado de kelkdek, ech cent miligramoj da dolantino en alian muskolan parton.

    Magneta terapio: Fiksi per sparadrapo magnetajn platon au grajnojn al certa korpa punkto. Tiu simpla kaj sekura terapio estas ghenerale aplikata al kuracado de hipertensio, bronka astmo, reumatisma artrito kaj aliaj.

    Kapa akupunkturo: Enpiki pli longan kaj pli dikan pinglon en certan punkton de kapa hauto kaj rapide turni la enpikitan pinglon. Tiu terapio kuracas malsanojn chefe de nerva sistemo. Sur la homa kapo trovighas dekoj da punktoj, al kiuj oni povas fari tradician akupunkturon.

    Elektravarma mokso: Eksciti certajn korpajn punktojn per elektra varmo. Malsanoj kuraceblaj per la tradicia mokso povas esti kuracataj per elektra varma mokso.

    Krome, trovighas ankau enkarna pinglo-resta terapio, t.e. fiksi per sparadrapo la pinglojn enpikitajn enkorpajn punktojn je 3-5 tagoj ghis unu semajno, por fari longtempan eksciton. Ankau tiu terapio bone efikas.

    Char akupunkturo kaj mokso povas reguligi la organisman funkcion de homo kaj forigi inflamon kaj doloron, ili povas kuraci multajn malsanojn. Oni trovis, ke ili havas kuracan efikon sur pli ol 200 malsanoj kaj pli bone sur ch. 100 malsanoj, inter kiuj trovighas bakteria disenterio, kontagha hepatito, ftizo kaj aliaj kontaghaj malsanoj; bronka astmo, hipertensio, stomaka doloro, diabeto, paraplegio, dispepsio, enurezo kaj aliaj internaj kaj infanaj malsanoj; erizipelo, hemoroidoj, uretra infektigho, rena koliko, polucio, impotenteco, neurodermatito kaj aliaj kirurgiaj malsanoj kaj dermatozoj, neregula menstruo, nenormala feta pozicio, funkcia utersangado, graveda vomado kaj aliaj ginekologiaj malsanoj; miopeco, kolorblindeco, orela zumado, akuta tonsilito, denta doloro kaj aliaj; kaj dronigho en akvo, sunfrapo, shoko kaj aliaj.

    La Monda San-Organizo de UNO, lau klinika sperto, prezentis 40 malsanojn kuraceblajn per akupunkturo kaj mokso, inter kiuj estas kronikaj kaj bakteriaj akutaj malsanoj de la supra spira kanalo, bushkavo, okulo, gastroentero, nerva sistemo, muskolo kaj osto.

    La nombron multe superas tiu de la malsanoj fakte kuraceblaj per akupunkturo kaj mokso. Kompreneble, akupunkturo kaj mokso ne povas kuraci chiajn malsanojn. Char ili ne faras malbonan efikon, oni povas senchese esplori la kuraceblajn malsanojn kaj profundigi sian konon pri ili.

Revenu