APEK-foiro de Elektronika Komerco okazos en la 24-28-a de aprilo de 2003 en la chemara urbo Yantai de Shandong-provinco, orienta Chinio. En la 19-a de augusto la Ministerio de Ekstera Komerco kaj Ekonomia Kunlaboro de Chinio, la Organiza Komitato de la foiro k.a. okazigis gazetaran konferencon en Pekino.

    La temo de la foiro estas "Elektronika komerco kaj ekonomia tutmondigho", kaj ghia celo estas prezenti novajn produktajhojn de informadiko kaj formon de elektronika komerco, akceli investadon kaj kunlaboron en elektronika komerco, studi novan metodon de elektronika komerco, altigi kapablon de mez- kaj malgrandaj entreprenoj por disvolvi produktajhojn de elektronika komerco kaj ilian kapablon en ekonomia tutmondigho kaj antauenpushi la ekomonian kreskon kaj komunan prosperon en la Azi-Pacifika Regiono.

    La foiro enhavas altrangan forumon de APEK pri elektronika komerco, urbestran forumon de elektronika registaro, duflankan kaj plurflankan intertraktadojn pri kunlaboro kaj investado por elektronika-komerca tekniko kaj ekspozicion pri elektronika-komerca tekniko kaj produktajhoj.

    Altranga forumo de APEK pri elektronika komerco: en tiu forumo altranguloj de registaraj institucioj, entreprenoj kaj perantaj institucioj faros paroladon pri politiko de elektronika komerco kaj ghiaj legha cirkonstanco, sekuro kaj disvolva direkto, elektronizo de entrepreno, rilatoj inter la elektronika komerco kaj tradicia komerco, dighita telekomunikado, disvolva direkto pri elektroniko kaj kunlaboro en tekniko.

    Urbestra forumo de elektronika registaro: urbestroj de registaroj de APEK-membroj estos invititaj al parolado pri dighita registaro kaj dighita urbo.

    Intertraktado pri investado kaj kunlaborado: Oni faros duflankan au plurflankan intertraktadon kaj amikan kunvenon, kiuj prezentos oportunan interkomunikadon kaj akcelos kunlaboron.

    Ekspozicio de tekniko kaj produktajhoj de elektronika komerco: en la ekspozicio oni aranghos 800 internacie normajn ekspoziciajn standojn en APEK-ana salono, entreprena salono kaj serva salono. Oni montros aplikan teknikon kaj produktajhojn pri elektronika komerco, softvarojn, teknikon pri intershangho de elektronikaj donitajhoj, produktajojn kaj teknikon pri reto, multa medio, integro, kolektado kaj traktado de informoj, sekuro de informoj kaj normigado kaj dighitajn hejmajn elektrajn apartojn.

    Yantai estas unu el la 14 unue malfermitaj chemaraj urboj de Chinio, kun 6458 mil loghantoj kaj areo 13.7 mil kvadrataj km.