Je
la unua horo de la 10-a de januaro 2001, en la satelita lanchejo Jiuquan
en okcidenta Chinio, sukcese lanchighis la senhoma Kosmoshipo Shenzhou-2,
farita de Chinio mem, kaj 10 minutojn poste la kosmoshipo eniris en
la difinitan orbiton. Tio estas la dua simila lancho de kosmoshipo.Tio
markas ankau, ke la china spaconautiko rikoltis gravan progreson.
Chinio
jam lanchis pli ol 40 diverstipajn satelitojn kaj nun ghi estas
la 5-a lando, kiu posedas la teknikon lanchi satelitojn, la 4-a,
kiu povas lanchi raketon kun pluraj satelitoj, la 3-a, kiu povas
lanchi komercajn satelitojn, kaj la 3-a, kiu sukcese kaptis la revenigeblajn
satelitojn. Nun 75% de la loghantoj de nia terglobo povas ghui la
servon donitan de chinaj telekomunikaj satelitoj.
Chinio
lanchis sian unuan eksperimentan kosmoshipon, t.e. Shenzhou-1, la
20-an de novembro 1999, kaj lau plano ghi lanchos plurajn similajn
kosmoshipojn kaj post tio kosmoshipon portantan homon. Kompare kun
Shenzhou-1, la nuna havas pli grandan spaconavigacian strukturon
kun nova teknologio, dum ghia teknologia stato estas fundamente
sama kiel tiu de la homportaj kosmoshipoj. Ghi revenos al la tero
post kelkaj tagoj. Dume ghi faros eksperimentadon de spacovivologio,
aeraj materialoj, spacaj astronomio, fiziko, mikrogravitologio k.a.
La
kosmoshipo Shenzhou-2 estis lanchita per raketo Changzheng-2o 2
F.
La
kosmoshipo-lanchejo en Jiuquan estis konstruita de Chinio en 1995-2000.
Ghi estas novtipa kaj destinita por lanchi ne nur kosmoshipojn sed
ankau satelitojn. La kosmoshipo Shenzhou-1 estis lanchita ankau
en Jiuquan.
La
kosmoshipo Shenzhou-2 jam rondiris 60 cirklojn chirkau nia terglobo
ghis la l3-a de januaro. Oni faris diversajn sciencajn eksperimentojn,
nun ghiaj rondiro estas bona kaj sciencaj eksperimentoj sukcesaj.
Oni
diris, ke Chinio faros plurajn provojn antau ol lanchi la kosmoshipon
portantan homojn. Nun chinaj kosmonautoj estas en trejnado.
|