Ghis la 27-a de marto la senhoma kosmoshipo Shenzhou-3 jam 30-foje rondflugis chirkau la terglobo. Nun ghia flugado estas normala kaj la scienca eksperimento glata.

    Post kiam la kosmoshipo eniris en la difinitan orbiton, la centro de spaconaviga komando en Pekino ghustatempe donis al la shipo serion da instrukcioj, tiel ke la shipo glate disvolvis sian sunenergian veltabulon kaj reguligis sian flugan manieron. Kiam la shipo faris 5an rondiron chirkau la terglobo, oni ekfunkciigis la orbit-shanghan motoron de la shipo, tiel ke la shipo sukcese eniris en la rondan orbiton el la ovala.

    Dum sia rondirado la kosmoshipo faros diversajn sciencajn eksperimentojn, inkl. de spaca biomedia eksperimento, kontrolado de alta atmosfero k.a. Kaj nur post tio ghi reflugos al la terglobo.