En la pasintaj jaroj sciencistoj rimarkis, ke sur lafoj estas maldika tavolo da organikajhoj. Usona sciencista grupo kolektis primitivajn materialojn de chiu vulkano kaj post multjara esplorado venis al la konkludo, ke organika tegajho de la lafoj naskighis el la fungformaj nuboj super kratero che erupcio, tial la vulkanado antau miliardo da jaroj eble kauzis naskighon de primitiva vivo.

    Sciencistoj diris, ke che erupcio la temperaturo de la gaso en la kratero estis 1200 gradoj C. Post kiam la gaso elighis el la kratero kaj eniris en la fungformajn nubojn, ghia temperaturo falis al 150-300 gradoj C, dume al la hidrogeno, karbona monoksido kaj magnetito okazis drasta reakcio kaj naskighis simpla organika kemia komponajho. Kiam tiuj komponajhoj falis sur iom post iom malvarmighantan lafon, formighis maldikaj tavoloj da organikajhoj.

    Antau miliardoj da jaroj la oksigeno en la aero estis multe pli maldensa ol hodiau kaj la temperaturo de la fungformaj nuboj el la kratero estis pli varma je 200 gradoj C ol la nuna. Tiaj kondichoj estis tre utilaj al la komplika kemia reakcio de la multspecaj objektoj en la nuboj kaj komponado de organikaj polimeroj kaj amina acido. Post kiam tiuj objektoj falis teren kaj post longega reakcio komponighis molekuloj de la memkopiebla ribonukleata acido, kio ebligis naskighon de primitivaj cheloj.

    Kompreneble, la primitivaj cheloj povas naskighi ankau tra aliaj kanaloj, sed erupciado estas unu el ili.