 |
Unua-pagho
>> Scienco kaj eduko >> Scienco
kaj tekniko
|
|
La Kvara Kantona Scienc-teknika Foiro por Chinaj Transmaraj Studentoj okazos decembre |
|
La
nomita foiro estas unu el la gravaj kanaloj por allogi chinajn transmarajn
intelektulojn al konstruado de Chinio. La unuaj tri foiroj akiris
rimarkindajn sukcesojn. Ilin cheestis 2500 transmaraj studentoj
kun 2024 altteknologiaj projektoj koncernantaj chefe biofarmakologion,
informan industrion kaj novajn materialojn urghe bezonatajn de Chinio. Dank'
al la sukcesoj de la foiro multaj transmaraj studentoj revenis
Chinion, komencis sian karieron kaj siamaniere servas al la patrio.
De
1978, kiam Chinio komencis praktiki la politikon de reformado
kaj pordmalfermo, 340 mil homoj studis kaj studas eksterlande
kaj 140 mil el ili jam revenis Chinion. Por
ke pli da transmaraj talentuloj partoprenu la foiron, la organizantoj
de la foiro alprenis diversajn rimedojn. La chi-foja foiro alte
taksos ne nur altteknologiajn fakulojn, sed ankau eminentajn administrantojn
kaj fakulojn de financo, juro kaj investa konsultigho. La foiro
donos pli da shancoj al tiuj, kiuj povas porti al la patrio altnivelajn
sciencajn fruktojn, kaj la foiro ankau detale konigos al la transmaraj
personoj la investan medion de diversaj lokoj de Chinio, kompreneble
kun la chefa atento sur Kantono.
|
Antautagmeze
de la 10-a de julio okazis en Pekino gazetara konferenco, en kiu
s-ro Lin Yuanhe, vicurbestro de Kantono, informis pri la Kvara Kantona
Scienc-teknika Foiro por Chinaj Transmaraj Studentoj, organizata
de la Eduka, Scienc-teknika kaj Personara Ministerioj de Chinio
kaj la Kantona Registaro kaj okazonta en la 28-30-a de decembro
por allogi chinajn transmarajn studentojn al la socialisma konstruado.