Kompreneble la genoj estas gravegaj por la homoj. Pri tio ja neniu dubas. Sed nun iuj opinias, ke jam antau naskigho de la homo la genoj decidis lian sorton: kiam li malsanighos? Kiun malsanon li suferos, kiun laboron li havos kaj kiujn sukcesojn li atingos, ktp. En simpozio, okazigita de UNESKO aprile de 2001 pri vivo, etiko, biologiaj teknologio kaj sekureco, china sciencisto donis malsamajn opiniojn, asertante, ke la homaj inteligenteco kaj karaktero estas influataj ankau de medio, socio kaj multe da aliaj faktoroj, ke la genoj ne povas decidi chion.

    "La homoj ne formighas sole de amaso da genoj. Ili, kapablaj vivi en la mondo, havas ankau racion, sentojn, celon kaj idealon de la vivo. La homa kresko kaj formigho de homaj karakteroj rezultas el reciproka utiligo de multe da genoj, natura kaj socia medioj, sed ne sole de la genoj. La doktrino, ke la genoj decidas chion, facile kondukas al damagho de la homaj rajtoj kaj interesoj. S-ro Qiu Renzong, membro de la Internacia Societo pri Homaj Genaro kaj Etiko, diris, ke la genoj montros sian efikon nur post komplika reciproka utiligo kun la medio. Li ne kredas, ke memmortiginto certe portas genon de memmortigo.

    Fakuloj diris, ke char ekzistas stabilaj genoj kaj natura mutacio de genoj, neniu lando povas malhelpi naskighon kaj ekziston de la handikapuloj per shtataj projektoj. Li diris, ke la handikapuloj kaj sanaj homoj estas egalrajtaj en etiko kaj legho kaj estas egalrajtaj ankau la membroj de unu sama nacio kaj malsamaj nacioj.

    "La genoj ne decidos chion kaj tial la homoj ne devas esti sklavoj de la genoj." Samopinias ankau prof. Yang Huanming, estro de la Informa Centro de la Genaro sub la China Akademio de Sciencoj, kiu longatempe studis pri genoj.