La
tiel nomata fermentinta radiata suko estas unu el la trinkajhoj
en pekina gusto. Ghi estas grizverda, densa suko el radiato. Parolante
pri ghi, iuj pekin-anoj kun esprimo de raviteco multe laudas ghian
bongustecon, dum la aliaj, kiuj ne alkutimighas al ghi, kapskuas.
Oni elfaris ghin tute hazarde. Laudire, kiam oni preparis toufuon
el radiato, pro varma vetero duonpreparita radiata suko fermentis.
Oni gustumis ghin kaj trovis, ke ghi estas dolch-acida. Post boligho
ghi farighis pli bongusta. Tial tiu trinkajho popularighis. En 1753,
kiam regis imperiestro Qianlong de Qing-dinastio (1644-1911), ghi
portighis en la imperiestran palacon. Autune, vintre kaj printempe
la imperiestra kuirejo preparis tiun trinkajhon. Imperiestro kaj
lia edzino trinkis ghin por forigi grasecon. Ghi estis tre shatata
de multaj. Oni diris, ke fama china majstro de Pekin-opero Mei Lanfang
ofte trinkis ghin.
Oni faras ghin tiamaniere: trempi radiatojn en akvo por certa tempo
kaj poste forigi la hauton, elakvigi kaj mueli ilin kun akvo. Filtri
la likvajhon kaj vershi ghin en vazegon, tiel supre de la vazo estas
akvo, malsupre amelo kaj meze la suko. Oni kuiras ghin en poto ghis
boligho. Antaue oni kuiris ghin en granda argila poto super milda
fajro. Oni cherpas la sukon tiamaniere: unue kirli la sukon per
kulerego che la interna rando de la poto por ke la unue cherpita
suko estu same densa kiel la poste cherpita. Dum la trinkado oni
manghas frititan farunajhon, bakitan kukon kaj pikan peklitan legomon.
Ghi furoris inter la ordinaraj loghantoj de Pekino antau duonjarcento.
Tiam en multaj lokoj de la urbo vidighis butikoj de tia suko. Inter
ili la plej fama estis tiu de Zhang-familio, kies suko estis farita
el fajnaj radiatoj kaj rafinite kuirita kaj almanghajho peklita
legomo zorgeme farita. Pekin-anoj bone scias, ke la plej bona suko
estas acida kaj varma kaj la plej bona almanghajho pika. Oni devas
trinki la sukon malrapide ghis shvitigho.
Efektive
ghi estas nutroricha trinkajho kun abundo da graso, proteino, dikaj
fibroj, sukero kaj aliaj elementoj. La china medicino asertas, ke
ghi imunigas kontrau sunfrapo, kvietigas soifon kaj varmegon, mildigas
toksighon kaj estas apetitveka kaj digestiga. Hodiau ne plu vidighas
stando de tia suko kaj ghi estas achetebla nur en kelkaj famaj restoracioj.
|