En
Pekino ne nur altranguloj, sed ankau ordinaruloj shatas manghi spagetojn
kun fritita misoo.
Laudire
manchuroj kiel reganta klaso de Qing-dinastio (1644-1911) kutimis
vivi lukse, sed post starigho de Respubliko de Chinio en 1911 ili
ne povis daurigi la luksan vivon. Kiel kontentigi la luksan vivon
kaj vantamon? Iuj manchuroj elektis spagetojn kun fritita misoo,
char tio povis prezenti teleretojn da diversaj legomoj, kiuj ne
nur kontentigis la vantamon de manchuroj, sed ankau shparigis al
ili la elspezon.
La
farado de spagetoj kun fritita misoo bezonas 3 objektojn: spagetoj,
tranchitaj legomoj kaj fritita misoo.
La
spagetoj devas esti elastaj. Oni unue knedas paston kaj faras ghin
spagetoj kaj poste kuiras ilin en varma akvo. Oni povas manghi somere
la spagetojn, trempinte ilin en malvarma akvo.
Kiel
legomojn por la spagetoj kun fritita misoo oni povas elekti kukumon,
brasikon, lupinon, rafanon, sojfabon, fazeolon kaj sojfabghermojn,
kaj en printempo fresha cedrelo estas kunmanghebla kun la spagetoj
post ilia brogo en varma akvo. Escepte de kukumo kaj rafano chiuj
legomoj devas esti brogitaj en varma akvo. Por spagetoj kun fritita
misoo oni bezonas 7-8 legomojn au nur kukumstriojn.
Friti
misoon estas grava pasho. En Pekino trovighas famaj malnovaj vendejoj
de peklitaj legomoj, ekz. Liubiju kaj Tianyuan, kiuj faras misoon
per fermentigo. Hejme oni unue enmetas viandajn pecetojn en multe
da oleo por fritado, poste fritas misoon kun la viandaj pecetoj
por 30-40 minutoj kaj fine aldonas dishakitajn shenoprazon, zingibron
kaj ajlon.
Preparinte
ilin, oni miksas la spagetojn kun fritita misoo kaj tranchitaj legomoj.
La spagetoj kun fritita misoo estas nutrorichaj, malmultgrasaj kaj
malmultkolesterolaj.
De
la pasintaj jaroj pekinanoj regalas amikojn per spagetoj kun fritita
misoo en sia hejmo, kaj en la urbo trovighas rilataj restoracioj
chie sur la stratoj. Enirinte en la restoracion, oni povas kaj manghi
tradiciajn spagetojn kun fritita misoo kaj ghui kulturan atmosferon
de malnova Pekino. Oni povas vidi sur la muro malnovajn fotojn rilate
la historion de Pekino kaj sur la servotablo bludesegnan porcelanan
vazon kun tonika vino kaj servistojn en griza china vesto kaj manfaritaj
tolshuoj kaj kun blanka tuko sur la shultro.
|