La buljone kuirita platkuko estas fama etmenghajho en Pekino. La restoracio Xiaochangchen famas pro ghi jam pli ol cent jarojn.

    La manghajho devenis de la palaca etmanghajho el porkajho. Poste ordinaraj popolanoj imitis ghian kuiradon kaj por mallevi la koston oni shanghis la kuirarton: Oni ne plu uzis porkajhon, sed anstatauigis ghin per porkaj intestoj, pulmoj kaj aliaj internajhoj. Oni kuiras ilin en buljono kun dekkelkaj specoj da spicajhoj.Kompreneble oni kuiras en la buljono samtempe ankau frititan toufuon, platkukon, fermentintan fabkazeon kaj salitajn fabojn.

    Kuiristoj de la restoracio Xiaochangchen lerte faras la malfacile prepareblajn intestojn pura kaj neoleoza etmanghajho. Oni chiam severe elektas la freshajn porkajn intestojn kaj pulmojn. Lavi la intestojn estas tre malfacile. Oni devas unue turni la intestan parieton eksteren, purigi la intestojn per akvo, forigi la grason de la intestoj kaj tordi ilin per vinagro kaj salo ripetade ghis kompleta purigho. Ghenerale oni kuiras la intestojn en bolanta akvo super milda fajro unu kaj duonan horojn. Post elakvigo de la intestoj, oni tranchas ilin en mallongajn pecojn. Metu ilin kaj pulmajn pecojn, tranchitajn platkukojn, buljonon, vinagron kaj ajlan sukon en bolvon. Oni povas miksi ilin ankau kun akra kapsiko. Jen la bongustajho estas preparita.