Inter la pekinaj manghajhoj trovighas "almozula koko", kiu nomighas ankau "richiga koko". La tute malsamaj nomoj por la sama manghajho devenas de jena historio:

    Antaue en Hangzhou, Zhejiang-provinco, malrichuloj au shtelis au almozpetis kokojn, kiujn ili poste shmiris per tero kaj rostis por satigi la stomakon. Tiun simple preparitan manghajhon oni nomis "almozula koko". Foje imperiestro Qianlong de Qing-dinastio (1644-1911) alivestite vizitis sudan Chinion kaj malfeliche perdis sin. Iu almozulo kompatis lin kaj donis al li sian bongustan "almozulan kokon". La imperiestro en malsato manghis la kokon, multe laudis ghin kaj demandis pri ghia nomo. La almozulo, sin ghenante koni al li la nomon "almozula koko", diris, ke ghi nomighas "richiga koko". De tiam la manghajho farighis fama plado.