Huoguo-o
estas metala poto, uzata de la chinoj sur manghtablo, kun fajro
sube kaj manghajhoj ene.
La
plej frua huoguo-o nomighis tripiedo ding-o. Ghi,
farita el bronzo, aperis antau dek mil jaroj. Ghi estis ankau simbolo
de aristokrata potenco. Tiam oni jhetis viandon kaj aliajn manghajhojn
en ghin kaj faris fajron sub ghi por kuirado. Char ding -o
estis grandega kaj malfacile movebla, tial ghi chiam estis fiksita
en unu aparta loko, kaj oni ne povis ofte uzi ghin. En la periodo
de la Okcidenta Zhou-dinastio pro ofta uzado de kupro kaj fero oni
faris malpli grandan ding-on, kiu iom post iom popularighis
inter la popolanoj. En la historia periodo de la Tri Regnoj, Cao
Pi, imperiestro de Wei-dinastio, septis la poton, tiel ke en ghi
oni povis kuiri malsamajn manghajhojn samtempe, ghi tre similis
al la hodiaua huoguo-o. Kaj poste, de Tang-dinastio ghis
hodiau huoguo-o shanghighis malmulte en la aspekto. La hodiaua
huoguo-o el refraktara vitro ebligas vidi la shanghighon
de la manghajhoj en la ujo. Ankau la feraj kaj kupraj ujoj estas
delikataj. Nun la plej ordinaraj huoguo-oj estas el korodimuna
shtalo.
Por
ghui la frandajhojn preparitajn en huoguo-o oni devas havi
ne nur ujon, sed ankau brulajhon kaj spicojn. La brulajhoj povas
esti ligno, karbo, gaso kaj alkoholo. Antau longe oni jam ekuzis
lignokarbon, kiu tamen estas polucia, la elektromagneta poto estas
senpolua, tamen ne donas tiom bonan guston, dum gasforno estas facile
uzebla, tamen kun ia danghero. En la historio de huoguo-o
la brulajhoj multe shanghighis, sed la spicajhoj chefe el sojo,
shenoprazo, ajlo, ovo, vinagro, sezama oleo, kapsiko k.a. restas
senshanghaj.
Ghenerale
huoguo-oj havas tri specojn. Por la unua speco la supo estas
delikata, per kiu oni brogas chefe la krudajn manghajhojn. Por la
dua speco la manghajhoj en la poto estas jam kuiritaj, dum la fajro
estas destinita nur por konservi varmon kaj brogi freshajn legomojn.
Por la tria speco chiuj manghajhoj en la poto estas kuiritaj kaj
la fajro estas destinita nur por konservi la varmon, kio ne multe
diferencas de ordinara kuirado. Vintre oni tre shatas huoguo-on.
Antaue oni per ghi brogis chefe viandon, sed nun ankau legomojn
kaj diversajn fungojn.
|