Se
turistoj vizitas Beihai-parkon en Pekino, ili povas ghui en Fangshan-restoracio
kortegajn manghajhojn de Qing-dinastio (1644-1911). La restoracio
havas grandan reputacion. Chiujare ghi altiras al si multege da
klientoj. Kial?
KORTEGA KUIRARTO
En
1925 la lasta imperiestro Puyi de Qing-dinastio estis forpelita
el la Imperiestra Palaco pro sentitoligho kaj multe da kuiristoj
en la palaco senlaborighis. En la sekvanta jaro, por vivteni sin
Zhao Renzhai, prizorganto de la legomkelo de la palaco, kun kelkaj
kuiristoj luis 5 chambrojn en Beihai-parko kaj faris kukojn per
kortega kuirarto.
En
somero turistoj pli kaj pli multighis kaj ekster la restoracio oni
starigis budon por ilia ripozo kaj mangho. Klientojn allogis diversaj
manghajhoj, ekz. fabkuko, pizkuko, maizpano, kremkuko kaj patkuko
farchita per viandaj pecetoj. Dume oni ankau povis fari tiajn pladojn,
kiel kuirita toufuo, brasiko fritita kun kashtano, fisho frikasita
kaj koko frikasita. Ankau Wang Yushan, kiun imperiestra patrino
Cixi nomis "regho de frititaj manghajhoj", venis prezenti sian kuirarton.
Kvankam
malgranda, Fangshan-restoracio rapide diskonighis pro siaj originalaj
manghajhoj.
Sed
bedaurinde, poste pro sinsekva foriro de la kuiristoj la aparta
kortega gusto estis iom post iom perdita kaj la restoracio farighis
ordinara.
GUSTUMI MANGHAJHON
DE IMPERIESTRO
En
1955, lau peto de la registaro, kuiristoj de la kortego revenis
al Fangshan-restoracio por instrui la arton. Tio savis ne nur Fangshan-restoracion,
sed ankau la tradician chinan kuirarton.
La
nova restoracio multigis specojn de la kortegaj manghajhoj. En la
pasintaj pli ol 40 jaroj la kuiristoj plibonigis la koloron, odoron,
guston kaj formon kaj prezentis preskau 1000 kortegajn pladojn.
Estas
menciinde, ke la restoracio povas prepari "grandan festenon kun
manchur-aj kaj han-aj manghajhoj" de Qing-kortego. La festeno havas
134 varmajn kaj 48 malvarmajn pladojn, kukojn kaj fruktojn el diversaj
lokoj de Chinio. Ghi altiris shatantojn de orientaj manghajhoj.
Kaj artistoj ech faris filmon pri "granda festeno de manchur-aj
kaj han-aj manghajhoj".
Krom
siaj apartaj manghajhoj, Fangshan-restoracio donis ankau bonan servon.
Manghinte en la restoracio, eminentuloj el diversaj lokoj laudis,
ke la restoracio tre bone servas. Ili sentas sin pli felichaj ol
imperiestro, ke ili povas ghui krome tre belan kuirarton de la restoracio.
|