En
Shenyang de Liaoning-provinco, Chinio, trovighas restoracio de Laobian-ghjauzi-oj
kun granda reputacio. Laobian-ghjauzi-o havas belan aspekton,
richan farchon, maldikan tegajhon kaj bonan guston.
En
Daoguang-regperiodo de Qing-dinastio (1644-1911) senchese okazis
naturaj katastrofoj. La kreinto de Laobian-ghjauzi-o Bian
Fu fermis sian ghjauzi-restoracion kaj kune kun siaj familianoj
fughis de Hebei-provinco al la nordoriento de Chinio. Survoje ili
venis al iu familio por peti tranoktadon. La familio, festanta la
naskightaghon de la maljuna mastrino, regalis ilin per ghjauzi-oj.
La ghjauzi-oj interesis Bian Fu pro la bongusteco. Sekve
li lernis de la mastro preparadon de farcho.
En
1828 malfermighis la restoracio de Laobian-ghjauzi-oj. Lau
la metodo li faris la manghajhon kun alloga gusto kaj ricevis laudon
de klientoj. Poste lia filo Bian Degui heredis lian arton kaj plibonigis
la farchon. La restoracio akiris grandan reputacion. Bian Yao, Bian
Yi kaj Bian Lin, filoj de Bian Degui, starigis chiu sian filion.
En
la 50-aj jaroj de la 20-a jarcento posteuloj de Bian Fu, daurigante
la tradician apartan guston de ghjauzi-oj, reformis la farchfaradon,
ke Laobian-ghjauzi-oj havas 26 specojn da farcho, inkl. markreskajhan,
viandan kaj legoman. Nun la restoracio havas multe da filioj en
grandaj urboj, kiel Peknio kaj Shanhajo, kaj ech en Japanio.
*Ghauzi-o, populara
farchita faruna manghajho en norda Chinio.
|