Se vi vojaghas al Tianjin, ne preterlasu gustumi ghiajn etmanghajhojn, precipe ghiajn tri frandajhojn -- Baozi-o (vaporumita farunajho kun vianda farcho) Goubuli, Mahua-o (fritita faruna volvajho) de Dek-oka Strato kaj Fritita Bulo (dolche farchita fritajho el glu-riza faruno) Erduoyan, kiuj estas famaj en Chinio kiel rostita anaso de Pekino.

BAOZI-O GOUBULI

    Goubuli en la china lingvo signifas "Hundo, kiu ne volas respondi al aliaj". Ghi devenas de la rakonto: Antaue iu homo nomata Gao Guiyou alinome Hundo lerte faris Baozi-ojn kaj havis butikon nome Yongde. Lia Baozi-o estis bongusta kaj altiris multajn achetantojn. Pro tio kiam li vendis Baozi-on, li estis okupita kaj ne havis tempon paroli kun la achetantoj, oni shercis, ke Hundo vendas Baozi-ojn ne parolante kun aliaj, iom post iom la butiko akiris la novan nomon "Hundo ne parolas kun aliaj". La butiko jam havas pli ol cent jarojn.

    La jhus vaporumita Baozi-o Goubuli estas bonodora kaj bongusta. Ghi estas richa je suko interne kaj ne grasa, kaj chiu Baozi-o havas pli ol 15 faldojn. Laudire Baozi-o Guobuli havas specialan metodon de farado.

MAHUA-O DE DEK-OKA STRATO

    Fan Guicai kaj Fan Guilin estas fratoj, kaj iniciatintoj de Mahua-o de Dek-oka Strato. La fratoj faris Mahua-on kaj havas butikojn sur la Dek-oka Strato nome Guifaxiang kaj Guifacheng por vendi Mahua-on, do ilia Mahua-o estas nomita Mahua-o de Dek-oka Strato.

    Mahua-o de Dek-oka Strato estas farita en speciala procedo: oni metas farchon el aroma osmanto, nukso, seka frukta strio k.a. inter pasta strio kaj la sezam-tegita pasta strio. Tia Mahua-o estas dolcha, franda kaj fragila. Ghi povas esti konservata kelkajn monatojn en sekeco.

FRITITA BULO ERDUOYAN

    Fritita Bulo Erduoyan havas historion de pli ol 100 jaroj. En la regperiodo Daoguang (1821-1851) de Qing-dinastio (1644-1911), ghia iniciatinto Liu Wanchun -- "Fritita Bulo Liu" vivitenis sin per vendado de fritita bulo. Li delikate faris la manghajhon, iom post iom formighis la originala gusto. Char la butiko situas che strato Erduoyan, do lia fritita bulo ricevis la nomon Fritita Bulo Erduoyan.

    Fritita Bulo Erduoyan estas farita el altkvalita glu-riza faruno. La farcho estas farita el tre bona rugha fabo kaj sukero. Fritite ghi estas orflava kaj krespeca.

    Krom la supre menciitaj etmanghajhoj ankau Nukso de Zhang, Krak-fabo de Zhang estas same famaj.

    Nukso de Zhang estis iniciatita en la jaro 1830. La nuna mastro de Nukso de Zhang estas la kvara-generacia posteulo de la butikomastro. La unua kaj dua mastroj estis bonaj kuiristoj de la kortego.

    Nukso de Zhang estas farita el au arakido, au melonsemo, au pinsemo, au abrikota kerno, au nuksa kerno k.s. Sur la kuiritaj nuksoj oni vershas diversajn likvajhojn, post sekigado kaj aliaj procedoj ghi estas pretigita.

    Ankau Krak-fabo de Zhang havas pli ol 200 jarojn. Ghi prenas fabon kiel la chefan materialon. Ghi multe diferencas de Nukso de Zhang. Por koni la diferencon de la gustoj de la du Zhang, bonvolu veni kaj gustumi.